روس حمران النواظر | كلمات بندر بن عويّض | اداء حمود الشاطري

لمتابعة بندر بن عويض عبر وسائل التواصل الإجتماعي:
تويتر Twitter |
https://cutt.us/BD5sh
سناب شات Snapchat |
https://cutt.us/fo2FI
تيليجرام telegram |
https://cutt.us/Nx39f

اوبريت حفل زواج :
سلمان بن حويل بن بجاد ابن سحمان - نتمنى له التوفيق

كلمات | بندر بن عويّض
اداء | حمود الشاطري


ساع زانت ردة الشعر للدرب الجزيل
المحازم راهيه و الكموم .. مشمره

و الخيال من الشوارد ما يبغاله دليل
كل عصماً لا سبرها .. تجيه محضره

ادري ان بحور الاشعار منّي تصير نيل
وادري ان الشعر ماهو بكثر الجمهره

دام للميقاف حزّه .. وللشعّار ليل
بنت فكري كل ليله وهي مستنفره

غير وقفات الرياجيل ما والله .. تخيل
و غير مدح مطير ربعي ماهيب مشبهره

كيف لا جات بشيوخن تعدل كل ميل
الشيوخ اللي بفعل اليمان .. مومره

في نهارن ينفض الارض و يضيع الذليل
فعل ابن سحمان يكفي عن فعول عشره

في المجابه كم ترك من كسير ومن قتيل
ذا عقيد مع ايمنه ذاك شيخ مع ايسره

يصطحب قصاف الاعمار خيله بالصهيل
لا هجم هجمته .. تملى بطون المقبره

ذاك غالي شيخنا ستر .. نقاض الجديل
سيرته شوباش راسي .. و عزّه .. و فخره

وعقبه اللي كملو دربه اشهد له سليل
من يوقف في نحاهم .. يفجون نحره

ذاخرن حوال عقبه .. مخضّب للصقيل
وذاخرن مذكر على المجد شبحه ونظره

و ذاخر حويل ابن غالي مزبن للدخيل
وذاخر مذيكر على الخيل محدن ينحره

وذاخرن لبجاد بالجود .. له باعٍ طويل
وذاخرن زايد ليا من غشى الهيجا غبره

مع معزي دورهم ما يجي مثله مثيل
يوم توحيد الجزيره .. يشدبها ظهره

شيختن على العضيلات جيلن بعد جيل
بالفعايل عامره .. و احمد الله و اشكره

قلتها واليوم في حفل .. زيزومن مهيل
ما بقى شيٍ من المدح فيه .. الا غمره

مرحبا مليون في حفل كسّاب الجميل
عد مزنن لاح براقه و هل ...... امطره

عن حويل بجاد والله ونعمٍ في حويل
ابلجن ماحاشت يديه ... ماقط ذخره

في حفل سلمان جعله مبارك يالأصيل
ويا عسى ايامك على ما تبيه .. ميسره

يا ذخر من ما تباشر وترضى بالقليل
لين خلو ذروة المجد فيهم .. منوره

روس حمران النواظر ليا شب الفتيل
كل مابين لهم عاصي تجيب .. خبره

مجدهم ماهو يضاهى ولا عنّه .. بديل
يوم للابه عزاوي ..... و للخيل اكتره

مجدهم على جميع البدايد مستحيل
دون قاصر فالنشاما لكن .. محد قدره