Euka Makutu & Tevita Bulai - Curu Suka Ni Dodomo [Official Music Video]

Composer: Euka Makutu
Vocals: Euka Makutu & Tevita Bulai
Sound Engineer - Adriu Saranuku
Music & Vocal Mastering - Euka Makutu

Talanoa Ni Sere
Qo e dua ga na talanoa ni dodomo ka mai voca koso, ena vuku ga ni nona mai vakaleqa o goneyalewa na nodrau veitalanoa ni veidomoni ni oti toka e 5 na yabaki.

Sere dali na nodratou waqa ni veidomoni ena nodrau a sota vakacalaka ena dua yakavi, ena gauna ea suka mai kina ena cakacaka ko cauravou. E cauravou ni Nadroga o tagane ka cakacaka tiko ena dua na otela rogo levu ena gauna rau a sota kina. Rau a sota kei goneyalewa ena gauna ni sereki levu ena taoni mai Nadi. E goneyalewa ni Vanua Levu o yalewa, ka se qai biu vuli oti saraga mai me vaka ni sa sereki levu toka, ka se vakacagicagi voli ni sebera ni lei tomana tale na nona vuli ena vuli torocake ena yabaki tarava. O cauravou e gole mai ena dua na vuvale ka rawati koya vinaka saraga, o goneyalewa e mai tiko vakararavi kivei dua na wekana ka warai ni rawati ratou vinaka. Ena vuku walega ni nona talanoa o goneyalewa, ea siwati cauravou saraga kina ka mai vakavuna me malele kina vei koya ka domoni koya kina o nona dreu. E bolea o cauravou me qarava kece na nona bula o goneyalewa, me vaka ni sa rui domoni koya dina. E sauma na nona curucuru ni vuli, me yacova sara ni rawata na nona koroi. E volia kece na nona yaya ni tereni ni qito, me vaka ni goneyalewa dau qito talega o goneyalewa, ka me lai yaco sara me lai mata taka talega na noda vanua o goneyalewa. Ka kece e gadreva o yalewa, e vakarautaka o tagane.

Ena gauna e rau soko vata voli toka mai kina, e yalataka o goneyalewa ni na tinia ga na mate na nodrau veitalanoa (wili na toa ni sebera ni lei saulaki). Oti nai ka 3 ni yabaki ni nodratou veitalanoa, sa lei vakaraitaka rawa vei rau na nonai tubutubu o goneyalewa na yaqona ka sa lei duguci rawa talega. Na vuni kena sa caka kina qo baleta ni sa vakarau biuti Viti kina o cauravou, me sa vakarau gole I Igiladi. Esa gole ena vuku ni sa soli vei koya na vola tara cakacaka vou kei na vale me sa tiko kina. E qai bubului o cauravou ka tukuna vei goneyalewa, ni na oti ga nai ka 2 ni yabaki, esa na gole mai me rau na mai vakamau vata, oti me rau sa na qai gole vata me rau sa na lei lewe ni vanua kina vanua esa soli mai vei gonetagane.

Ena gauna esa tiko mai kina mai valagi o gonetagane, sa tekivu me sa cicila mai vakamalua na nodratou veitalanoa. Ni qai qiri mai o tagane, sa soli ulubale o yalewa. Qai dau rogoca tale na talanoa o tagane, ni tu tale mai dua na vanua o goneyalewa.

Oti 2 ni yabaki ni nona tiko mai yasana dua o tagane, koya sa qai gole tale mai Viti me rau sa mai vakamau. E mai suruta wale na vusi ena kena sa mai daro na ka kece baleta ena gauna e qai gole yani kina ena mata ni vale nei goneyalewa. Esa warai ni tavaki koya mai o goneyalewa baleta ni sa tawa na matana, ka sa tiko tale mai loma ni vale o nona karua.

E vinakata o cauravou me biu na vosa qo na Tagimoucia baleta ena warai vakadua ni na guilecava o cauravou nai tovo e cakava o goneyalewa.

Vosavosa Vaka-Viti
1. Wili na toa ni sebera ni lei saulaki - yalataka e dua na ka ni sebera ni yaco mai na kena gauna.

- E YALATAKA O YALEWA NI NA WARAKI TAGANE ME YACOVA NA NONA LESU TALE MAI VITI, ME RAU NA QAI MAI VAKAMAU.

2. Voleka na koro qai ca na kuro - voleka ni rawata na ka e saga qai soro koso.

- VAKANUINUI TU MAI O CAURAVOU NI RAU NA MAI VAU, QAI MAI CALA NA TATADRA NI SA TAWA TALE TIKO NA MATAI ADI QAI SA TAWANI TALE TIKO NA NONAI LOKOLOKO.

3. Tagica na yaloka ni mata ni vonu - tagicaka se vinakata na ka e rui dredre.

- TAGI CAKA KA MASULAKA VOLI TU KI VUA NA KALOU NA NODRAU BULA NI VEIDOMONI. ME NA LEI YACO SARA ME NA LEI VAKAVOTUKANA, QAI MAI MAUMAU WALE TU.

4. LUTU ENA QARA NI ISUA - e dua na ka e lutu se yali ka yali sara vakadua.

- 5 NA YABAKI NI NODRAU VEITALANOA TU MAI E MAI MAUMAU WALE TU.

5. Vaka e tiri na wai ena dela ni drau ni dalo - tukuni vua e dua na ka qai sega ni vakayacora, se sa sega ni dau via vakarogoca na vakasala e soli.

- DAU KEREA O TAGANE ME RAU DAU VEIQIRITI SE VEITALANOA NA GAUNA RAU DUAVATA KINA, QAI DAU WARAI NI DAU SAUMA MAI O GONEYALEWA NA GAUNA E RAU A DUAVATA KINA. QAI DAU KILAI I MURI NI LEI BUTU KAI, SARA CINA E KORO TURAGA SE LEI VAKASOSO YAQONA TALE TU MAI DUA NA VANUA.

6. I butubutu madrali - soso, sikisikidara na matanivuvale ena levu ni cauravou e lakova tiko yani na mata ni vale.

NA LEVU NI VEISURETI, VEIMURIMURI VAKA LAWALAWA KEI NA LEVU NI CAURAVOU ERA MALELE VEI GONEYALEWA, E LAI YACO SARA KINA ME LAI SIKALUTU TALE KINA O GONEYALEWA. QAI MANI YACO SARA ME LAI TAWA KINA NA MATANA KA SEAVU TANI NA NONA DOMONI NONA TURAGA DREU.

7. Vuka Nona Lulu - itutu vakaloloma e tu kina e dua ni sa kau tani vakasauri vua na ka e dau vakaukaua taki koya.

Esa na nonai kaukau lesu na kavoro, mavoa, mosi, tagi kei na yaluma. Na vuna ni sa mai kau tani vei koya na nona sui ni sarisari kei na matai ni goneyalewa ea domona.