@SevimliKanaLa abunə olun!
Bəxtiyar Vahabzadənin Ana haqqında şeiri,
Nə tez əllərini üzdün dünyadan,
Balanı tək qoyub hara getdin sən?
Necə yox olurmuş bir anda insan,
Elə bil dünyada heç yox imişsən.
Günəş qürub etdi... otaq qaraldı,
Bir anda yox oldun sən xəyal kimi.
İndi düşünürəm: Səndən nə qaldı,
Könlümdə xatirən qara xal kimi.
Məni boya-başa yetirdin, ana
Bizə borclu bildik hər zaman səni.
Sən məni dünyaya gətirdin, ana,
Mənsə yola saldım dünyadan səni.
Sən mənə beşikdə laylay çalmısan
Bu gün laylay çalım sənə məndəmi?
Sənin şirin-şirin laylalarmı
Mən sənə qaytarım cənazəndəmi?
"Yuxun şirin olsun" - deyərdin mənə,
"Yuxun şirin olsun" - deyimmi sənə?
Gərək mən başına dönəm-dolanım,
Məni həyat üçün yatıran anam,
Söylə ölümçün
Necə yatırım
Səni mən bu gün?
Bu necə dünyadır, anlamıram mən,
Cilvəsi cürbəcür, rəngi cürbəcür
Dünən nəfəsiylə səni isidən
Bu gün buza dönüb, daşa dönübdür.
Bu necə dünyadır,
İnsan oğlunun
Xəyalı göydədir, özü yerdədir,
Sağ ikən çiynində həyatın yükü,
Öləndə cəsədi çiyinlərdədir...
Bu necə dünyadır, bu necə dünya,
Ölümü həqiqət, həyatı röya.
Dərdimin, qəmimin səndin ortağı, .
Niyə üz döndərdin, bəs niyə məndən?
"Dərdin mənə gəlsin!" - deyərdin axı,
Niyə dərd caladın dərdimə bəs sən?..
Anam, heç kəs səni incitməmişdir,
Mən səni,
mən səni incidən qədər.
İndi kimə açım dərdimi bir-bir,
Kim mənim dərdimə yanar sən qədər?
Evin hər küncündə görünür yerin.
Gözüm axtarcıdır, ana, ay ana,
"Nənəm hanı?" - deyir körpə Azərin,
Mən nə cavab verim, ona, ay ana?
Bilmirəm, bilmirəm bu ölüm nədir, Həyat var ikən?
Nəfəsin, ay anam, hələ evdədir,
Özün yer altında daşa dönmüsən.
Bu gün yeddin oldu...
anam, yeddi gün,
Bizimlə bərabər ağlar otaqlar.
Sənə,
yalnız sənə,
sənə deməkçün
Könlümdə nə qədər mənim sözüm var.
"Kimləri çağıraq bu gün yeddiyə?"
Xalalar, bacılar soruşur məndən.
Anamdan soruşaq, o bilər deyə,
Sənin otağına üz tuturam mən.
Anam, tapşırıldın ana torpağa,
Bu ölüm, sinəmə çəkdi dağ mənim.
Sən mənim arxamda bənzərdin dağa,
Elə bil arxamdan uçdu dağ mənim.
Qızımın adıdır sənin öz adın.
Bu da göz dağıdır mənə bu gün də.
Son dəfə sən mənə baxıb ağladın,
Surətim məzara getdi gözündə...
Ömrü başa vurdun altmış yaşında.
Altmışın üstündə durub yaşın da.
Artıq sənin üçün dayanan zaman
Mənimçün dolanır...
Gün olur axşam.
Vaxt keçir, sən məndən uzaqlaşırsan,
Mən sənə günbəgün yaxınlaşıram.
BƏXTİYAR VAHABZADƏ - YAŞDAN GİLEYLİYƏM
Mən on beş yaşımda - iyirmi yaşımda
Elə bilirdim ki, qırx qocalıqdır.
Əlliyə çatıram, ancaq başımda
Uşaqlıq havası hələ qalıbdır.
Elə bil dünəndir, çiynimdə çanta
Qorğa yeyə-yeyə dərsə getdiyim.
Elə bil dünəndir, o qamış atda
Nəzil qamçı vurub "at" səyirtdiyim.
Hiss edə bilmirəm yaşımı neylim,
Ürək o ürəkdir, həvəs o həvəs...
Gah arana düşür, gah dağa meylim,
Nədir könlümdəki bu duyğular bəs?
Elə bil dünənin uşağıyam mən,
Bu eşqə, həvəsə bəzən gülürəm.
Ancaq qınamıram özümü bəzən,
Axı, nə yatdım ki, nə yuxu görəm?
Odur bax... həyətdə qopub vəlvələ,
Uşaqlar oynaşır, dırmaşır dama.
Mən də onlar ilə tutub əl-ələ,
Qaçmaq istəyirəm uşaqlığıma.
İstərəm "gizlənpaç" oynayım yenə,
Başıma götürüm çölü-şəməni.
Elə gizlənim ki, düşüb izimə
Heç tapa bilməsin qocalıq məni.
Ancaq yaş özünü göstərir hərdən,
Ürəkdə çox gizli döyüntülər var.
Küçədə, bayırda tövşüyəndə mən
Sanıram, yoxuşdu, daşdı günahkar.
Yolda balalardan dala qalanda,
Neyləsin bu yoxuş, bu daş bilmirəm.
Ancaq gözəlliyə heyran olanda,
Özümü oğlumla həmyaş bilirəm.
Please subscribe!
Sonrakı videoları da izləmək üçün, lütfən kanala abunə olmağı unutmayın!
Abunə olmaq üçün keçid: / @sevimlikanal
http://www.tezsat.biz/
/ do%c4%9fma-dilimiz-281324428686718
/ pis-v%c9%99rdi%c5%9fl%c9%99r%c9%99-son-290... ,
Sevimli KanaL,
GarayevTA,
Kanalıma xoş gəldiniz! Bu kanlı açmaqda məqsədimiz, əsasən vətənimizin gözəl xalq musiqilərini, gözəl və səfalı yerlərini çəkib paylaşmaqdır.
Həqiqətən də vətənimiz gözəldir, paytaxt Bakımız gözəldir.
İnşaAllah daha da gözəl olacaq! Sizlər də izləməyə dəvətlisiniz!
Xahiş olunur hərhansı bir videomu izlədikdə bəyən düyməsinə basıb, sonra da şərhinizi bildirəsiniz.
İstərsəniz kanalıma daxil olub, digər videolarımı da gözdən keçirin. Kanalıma gəldiyiniz üçün təşəkkür edirəm!
GarayevTA,
Sevimli KanaL,
Welcome to my channel! Our goal in bloody opening is to share and share beautiful folk music, beautiful and beautiful places of our homeland.
Indeed, our homeland is beautiful, our capital Baku is beautiful.
Insha'Allah will be even more beautiful! You are invited to watch!
Whenever you watch a video, please click the button and then comment.
Check out my other videos as well. Thank you for coming to my channel!
baku 2017,
Anamın ölümünə,
garayev,
sevimli kanal,
sevimli kanali,
#gta24774,
#SevimliKanal,
#Baku77,
@SevimliKanaL,
#Moana #HowFarIllGo #AuliiCravalho,
#2 TRENDDİR
Информация по комментариям в разработке