Скачать или смотреть ឯកឧត្ដម លោកជំទាវ រដ្ឋមន្ត្រីក្រសួងយុត្តិធម៌ ឯកឧត្ដមរដ្ឋលេខាធិការ ឯកឧត្ដមអនុរដ្ឋលេខាធិការ

លិខិតជូនពរ សូមគោរពប្រសិទ្ធពរជ័យ បវរ សួរស្ដី សិរី មង្គលវិបុលសុខ មហាប្រសើរគ្រប់ប្រការ

គោរពជូនចំពោះ ឯកឧត្ដម លោកជំទាវ រដ្ឋមន្ត្រីក្រសួងយុត្តិធម៌ ឯកឧត្ដមរដ្ឋលេខាធិការ ឯកឧត្ដមអនុរដ្ឋលេខា ធិការ ឯកឧត្ដមប្រតិភូរាជរដ្ឋាភិបាល បណ្ដា អគ្គនាយកដ្ឋាន ចំណុះក្រសួងយុត្តិធម៌ ព្រមទាំងឯកឧត្តម លោកជំទាវ ជាថ្នាក់ដឹកនាំ និងមន្ត្រីរាជការ ទាំងអស់ នៃក្រសួងយុត្តិធម៌

នាឱកាសមហាសង្ក្រាន្តបីថ្ងៃ នៃពិធីបុណ្យចូល ឆ្នាំថ្មី ប្រពៃណីជាតិខ្មែរ ថ្ងៃសុក្រ៩រោច ខែចេត្រ ឆ្នាំថោះ បញ្ចស័ក ពុទ្ធសករាជ ២៥៦៦ ត្រូវនឹងថ្ងៃទី១៤ ខែមេសា ឆ្នាំ២០២៣ ម៉ោង១៦ និង០០នាទី ខាងមុខនេះ។

ខ្ញុំបាទ អ៊ិត សុធា និងភរិយា ព្រមទាំងបុត្រ សូមសម្ដែងសេចក្ដីអំណរសាទរ ដោយស្មោះ អស់ពីចិត្ត គោរពជូននូវសព្វសាធុការ ពរជ័យ សិរីវឌ្ឍនា មហាប្រសើរ ជូនចំពោះឯកឧត្ដម លោកជំទាវ ដែលកន្លងមក ក៏ដូចជាបច្ចុប្បន្ន បានខិតខំប្រឹងប្រែង លះបង់យកអស់ទាំងកម្លាំងកាយ ចិត្ត ប្រាជ្ញស្មារតី ក្នុងការបម្រើជាតិមាតុភូមិ ជាពិសេស លើវិស័យប្រព័ន្ធយុត្តិធម៌ ដែលធ្វើ ឱ្យប្រព័ន្ធយុត្តិធម៌នៅកម្ពុជា មានការរីកចម្រើនឥតឈប់ឈរ និងទទួលការសាទរពីបងប្អូនប្រជា ពលរដ្ឋគ្រប់ទិសទី។
នៅក្នុងឱកាសនេះ ខ្ញុំបាទ និងភរិយា ព្រមទាំងបុត្រ សូមបួងសួង ដល់គុណបុណ្យ ព្រះរតនត្រ័យ គុណកែវទាំងបី ព្រមទាំងវត្ថុស័ក្ក សិទ្ធក្នុងលោក ជួយតាមបីបាច់ថែរក្សា ក្រុមគ្រួសារ ឯកឧត្ដម លោកជំទាវ និងមន្ត្រីរាជការ ព្រមទាំងបុត្រាបុត្រី នៃក្រសួងយុត្តិធម៌ទាំងអស់ បានប្រកបទៅនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

គោរពជូនពរពីខ្ញុំបាទ អ៊ិត សុធា និងភរិយា ព្រមទាំងបុត្រ៕