Скачать или смотреть តែងសេចក្តីពិភាក្សា" មានតែចំណេះវិជ្ជាតែមួយមុខប៉ុណ្ណោះដែលអាចដឹកនាំមនុស្សទៅរកភាពថ្លៃថ្នូរបាន" ប្រធានទី៤

#ប្រធានទី៤#
ចំពោះវីដេអូមេរៀននេះវាសំខាន់ចំពោះប្អូនៗ ដែលកំពុងតែសិក្សាថ្នាក់វិទ្យាល័យ។ ហើយវាមិនសំខាន់ចំពោះអ្នកចេះហើយនោះទេ។ តែទោះជាយ៉ាងណាសូមបងប្អូនជួយshare វីដេអូមេរៀននេះផងបាទ។ ហើយក៏សូមអធ្យាស្រ័យនូវរាល់កំហុសឆ្គងដោយអចេតនាផងបាទ។ ខ្ញុំបាទរង់ចាំទទួលការស្ថាបនាដោយសេចក្ដីរីករាយពីអ្នកសិក្សាគ្រប់មជ្ឈដ្ឋាន។

ការសិក្សារៀនសូត្រគឺជាកត្តាចំបងក្មុងការអភិវឌ្ឍការយល់ដឹងរបស់មនុស្ស សមត្ថភាព និងការគិតអោយកាន់តែមានប្រសិទ្ធភាព។ ក្នុងសម័យកាលនៃការសិក្សា នាពេលបច្ចុប្បន្ននេះ យើងសង្កេតឃើញថា វាកាន់តែមានភាពងាយស្រួល និងសម្បូរបែបជាងមុន ក្នុងការសិក្សារៀនសូត្រ តាមរយៈការអានសៀវភៅ ការស្ដាប់វីដេអូមេរៀន ការសិក្សាតាមប្រព័ន្ធបណ្ដាញសង្គម ដូចជា Zoom, google meet, google classroom ជាដើម ដែលយើងអាចមានលទ្ធភាព រៀនពេលណា និងទីកន្លែងណាក៏បាន។ ជាពិសេសសម្រាប់អ្នកដែលចូលចិត្តស្ដាប់ ទោះរវល់នឹងការងារយ៉ាងណា កំពុងបើកបររថយន្ត កំពុងធ្វើម្ហូប កំពុងហាត់កីឡាក្ដី ក៏អាចស្ដាប់វីដេអូមេរៀន ដើម្បីបង្កើនការយល់ដឹងបន្ថែមបានមួយកម្រិតទៀតដែរ។ ម្យ៉ាងវិញទៀត បើយើងគ្រប់គ្នាចាប់ផ្ដើមគិតគូរអំពីការអភិវឌ្ឍន៍លើវិស័យអប់រំ យើងទាំងអស់គ្នាគឺពិតជាអាចធ្វើបាន ដោយចាប់ផ្ដើមពីយើងគ្រប់គ្នាបង្កើន ទម្លាប់ការអានសៀវភៅ ការស្ដាប់វីដេអូមេរៀន នៅពេលទំនេរ និងចែករំលែកបន្តទៅអោយអ្នកដ៏ទៃទៀត។ បើយើង"ដាំដើមស្លែងគឺបានផ្លែស្លែង ដាំដើមស្វាយគឺបានផ្លែស្វាយ " ហេតុដូច្នេះហើយបើយើងភ្ជាប់ខ្លួនយើងទៅនឹងរឿងអ្វី គឺយើងប្រាកដជាទទួលបាននូវលទ្ធផលបែបនោះហើយ បើយើងសេពគប់ជាមួយនឹងជនពាលយើងនឹងក្លាយទៅបក្សពួករបស់ជនពាល តែបើយើងសេពគប់ជាមួយនឹងបណ្ឌិត អ្នកសិក្សារៀនសូត្រ និងអ្នកធ្វើជំនួញ នោះលទ្ធផលដែលយើងទទួលបានក៏ល្អបែបនោះដែរ។ យ៉ាងណាមិញ លោកលី ក្វាន់យូ ស្ថាបនិកប្រទេសសិង្ហបុរី លោកបានគិតគូអំពីវិស័យអប់រំយ៉ាងខ្ពស់បំផុត ដោយលោកតម្រូវអោយគ្រប់គ្រួសារនីមួយៗ ត្រូវរៀបចំជាកូនបណ្ណាល័យតូចមួយនៅតាមផ្ទះរបស់ខ្លួន ដើម្បីជាបច្ច័យមួយក្នុងការជួយជម្រុញអោយយុវជន និងពលរដ្ឋសិង្ហបុរីគ្រប់រូបអោយចូលចិត្តអានសៀវភៅដើម្បីបង្កើនចំណេះដឹងដល់ពលរដ្ឋគ្រប់។ លោកបានដឹងយ៉ាងច្បាស់នៅក្នុងអារម្មណ៍របស់លោកថា "បើកាលណាមានប្រជាជនអានសៀវភៅច្រើន នឹងមានប្រជាជនដែលមានការយល់ដឹងច្រើន មានចំណេះដឹងទូលំទូលាយ បែបនោះលោកនឹងមិនពិបាកក្នុងការដឹកនាំប្រទេសជាតិឡើយ"។ អ្វីដែលកាន់តែពិសេសនោះគឺលោកបានដឹកនាំអភិវឌ្ឍប្រទេសសិង្ហបុរីបានយ៉ាងឆាប់រហ័ស ទាំងនេះក៏ព្រោះតែប្រជាពលរដ្ឋរបស់លោកមានចំណេះ ដឹងទូលំទូលាយទាំងផ្នែកការងារនិងច្បាប់ផ្សេង។ អាស្រ័យហេតុនេះហើយ សូមបងប្អូនជនរួមជាតិ គ្រប់រូបមេត្តាយកចិត្ត ទុកដាក់និងជម្រុញការសិក្សាអប់រំ អោយកាន់តែមានភាពរីកចំរើន តាមរយៈការបង្កើតកូនបណ្ណាល័យតាមផ្ទះ ដើម្បីជំរុញអោយសមាជិកក្នុងគ្រួសារគ្រប់ៗរូបបានអានរាល់ថ្ងៃ និងជួយ Share ចែករំលែកនូវវីដេអូអប់រំ ដែលជាកត្តារួមផ្សំក្នុងការបង្កើនចំណេះដឹង។ ផ្ទុយពីនេះអ្នកទាំងអស់គ្នាមិនគួរគាំទ្រ និងចែករំលែកនូវវីដេអូដែលគេបង្ហាញពីការជេគ្នា ឈ្លោះគ្នា ធ្វើជាលែងលះគ្នា ហែកកេរ្តិ៍គ្នាទៅវិញទៅមក ដែលជាគម្រូមិនល្អសោះឡើយចំពោះសង្គមជាតិ។ ខ្ញុំសូមអធ្យាស្រ័យពីសំណាក់ប្រិយមិត្តទាំងនូវរាល់កំហុសឆ្គងដោយប្រការណាមួយ ហើយក៏សូមថ្លែងអំណរគុណចំពោះប្រិយមិត្ត ដែលជួយគាំទ្រនិងចែករំលែកវីដេអូខ្ញុំបាទ។