Скачать или смотреть MABORESHO RELI YA KASKAZINI, UJENZI BANDARI KAVU NA UWANJA WA NDEGE, KUKUZA UCHUMI WA ARUSHA.

Mkuu wa Mkoa wa Arusha Mhe. Paul Christian Makonda amesema kuboreshwa kwa reli ya Kaskazini na kujengwa kwa Bandari kavu Mkoani Arusha ni fursa kwa wananchi wa Mkoa huo kwani miradi hiyo itakapokamilika itasisimua na kuibua fursa nyingi za kiuchumi zitakazokuwa zinazalishwa na sekta ya usafirishaji na utalii pamoja na kuokoa muda uliokuwa unapotea barabarani kutokana na foleni.Leo Jumatano, mbele ya Waziri wa Uchukuzi Prof. Makame Mbarawa kwenye uwanja wa ndege wa Arusha, Mhe. Makonda pia ameishukuru serikali ya awamu ya sita kwa ujenzi na maboresho makubwa ya uwanja huo wa ndege, akisema umesaidia kuimarisha uchumi kupitia sekta ya utalii kwa kuufanya uwanja huo kuwa bora zaidi na wenye viwango vinavyokubalika kimataifa.Kwa upande wake Waziri Profesa Makame Mbarawa mbali ya Kumshukuru Rais Samia Suluhu Hassan kwa kuimarisha sekta ya usafiri na usafirishaji, amesema tayari serikali imetoa Bilioni 11 za ufungaji wa Taa katika uwanja huo wa ndege wa tatu kwa miruko nchini Tanzania ambapo mkandarasi ameshapatikana na anatarajiwa kuifanya kazi hiyo ndani ya miezi tisa kuanzia hivi sasa.