Скачать или смотреть Ukuboko kwa Agata KANZIGA mu ntambara y'Abacengezi mu Rwanda

URUHARE RWA AGATHA KANZIGA HABYARIMANA MU NTAMBARA Z’ABACENGEZI KU RWANDA
Nyuma y’urugamba rwo kubohora u Rwanda ndetse na Leta y’ubumwe imaze kujyaho hatangiye Urugamba rushya rwo kubaka u Rwanda bundi bushya ariko rero abari bamaze guhunga u Rwanda kuberako bari bamaze Gutsemba abatutsi muri Jenoside nabo mu mitwe yabo bumvaga ko batsinzwe ariko bari baniteguye kongera guhanyanyaza bakongera kureba uko bakwisubiza Ubutegetsi. Abangaba mu kwa karindwi mu 1994 Bari bafite ikizere kinshi ko bari bagiye kubigeraho mu gihe gitoya ngo kuko bari bafite abaturage iruhande rwabo rero bumvaga ari Imigambi yabo itazatinda.iyi mpamvu rero niyo yatumye u Rwanda rubaho indi myaka yo kuba mu mutekano muke biturutse ku ntambara z’abacengezi n’indi mitwe itandukanye yari ishingiye kuri iki gitekerezo shingiro cyo kongera kwisubiza ubutegetsi hagakomezwa umugambi wa Jenoside no kwimika Politiki zishingiye ku irondabwoko n’Ironda karere. Ariko Ingabo z’u Rwanda zakoze ibishoboka zihashya aba bantu zibatsinda ubugira kabiri ndetse binarangira umutekano ugarutse kandi mu buryo burambye. Ariko noneho Izi ntambara zabacengezi n’indi mitwe yari igizwe n’abasize bakoze jenoside yakorewe abatutsi mu Rwanda ndetse n’abahoze ari ingabo za FAR .ni umugambi wizweho neza ndetse unaterwa Inkunga ku kigero kiri hejuru kuburyo ntanakimwe aba bantu batakoze ngo bagarure Ubutegetsi bw’u Rwango no gutsemba abanyarwanda. Ibi byagizwemo uruhare na benshi ku buryo benshi byabagora no kubyiyumvisha.ni benshi ariko uwo ngiye kugarukaho uyu munsi ni Agatha KANZIGA HABYARIMANA umugore wuwahoze ari Perezida w’u Rwanda Yuvenal HABYARIMANA ngiye kumugarukaho n’uruhare rwe mu ntambara z’abacengezi zayogoje u Rwanda ndetse zikanatwara ubuzima bwa benshi.iyi ni Intsinzi Tv.Uwaguteguriye iki kiganiro ni BIZIMANA Christian naho jye wagitunganije mu majwi nkaba ngiye no kukikugezaho ndi ERIC SAFARI.Mbahaye Ikaze
Na none ngiye kwifashisha igitabo cy’Umuhanga ;Umushakashatsi;Umwanditsi akaba n’Umwamrimu muri Kaminuza ya Cambridge akaba ari n’impuguke mu mateka y’ibiyaga bigari Bwana Andrew WALLIS niwe mwanditsi w’ikirangirire kandi wihariye wagaragaje uruhare rwa Madamu Agatha KANZIGA HABYARIMANA mu kurema umutwe wa Gisirikare wagize uruhare mu guhungabanya Umutekano w’u Rwanda.nanjye ngiye kugaruka kuri bimwe mu byo yavuze kuri iyi ngingo.
Mu kiganiro giheruka twagarutsemo byihariye ku buzima bwa Madame Agatha KANZIGA HABYARIMANA twagishoreje ku ngingo y’Uburyo Nyuma yaho umugabo we Perezida Yuvenal HABYARIMANA yaramaze gupfira mu gitero cyagabwe ku ndege ye yamutwaraga ya Falcon 50 bikaba n’impamvu y’urwitwazo ku bahutu babahezanguni yo gushyira umugambi wa Jenoside mu Bikorwa.uyu mugore rero Icyo yakoze nyuma yo kubona ko ibyo yahoze yifuza gukora byari bimaze kugerwaho yahise yerekeza mu Bufaransa asiga u Rwanda mu kintu kibi gishoboka amateka y’Isi atazigera y’ibagirwa aricyo Jenoside yakorewe abatutsi.
Kujya mu Bufaransa kuri we yabifashe nkaho ari umwanya wo kuruhuka ndetse no gushakisha inkunga ishoboka haba mu buryo bwa Politiki ndetse n’amafaranga mu gufasha Ingabo ze mu guhangana n’Ingabo za RPA Inkotanyi ndetse kujya hanze y’u Rwanda yabibonagamo kubona urubuga rwiza no gusobanurira Isi impamvu Jenoside yaririmo ikorwa kuko yabonaga ko mu Bufaransa ari ahantu yabasha kugenzura Itangazamakuru mpuzamahanga ku buryo bumworoheye.
Kandi Agataha ajya mu bufaransa yumvaga ko abaye ahunze akavuyo kari mu Rwanda nyuma kamaze gushira ibintu bisubiye ku murongo yari kuzagaruka ariko iki kizere cye cyatumye araza amasinde birangira atagarutse kunerako ingabo ze za FAR ndetse n’interahamwe n’Impuzamugambi batsinzwe burundu bagahungira muri Repubulika iharanira Demukarasi ya Congo yitwaga Zaire icyo gihe .
Mu guhungira muri Zaire aba bari bamaze gukora Jenoside mu Rwanda babifashe nko gusubira Inyuma ngo noneho basimbuke urukiramende neza kuko ubwo bagiye bafite Umugambi wo guhita bategura vuba vuba kongera gutera u Rwanda.
Ntibyatinze Inkambi zari zarashyizwemo impunzi zahise zihinduka Inkambi z’imyitozo ya Gisirikare.ku bufasha bwa’Ubufaransa bwa Perezida Francois Mitterand ndetse na Zaire ya Marchar MOBUTU. abahoze ari ingabo za FAR;interahamwe ndetse n’impzamugambi Bahurijwe Hamwe maze bahagwa imyitozo .uyu mutwe wa Gisirikare wari uyobowe na Jenerali Majoro Augustin BIZIMUNGU nubundi wahoze ari umugaba mukuru w’igisirikare cya FAR mu gihe cya Jenoside yakorewe abatutsi mbere yuko we n’Igisairikare cye bahabwa Isomo ry’Intambara bagatsindwa na RPA Inkotanyi.
Iki gisirikare gishya rero cyari kimaze gushingirwa mu nkambi nicyo cyari cyiteguye gutangiza Urugamba rushya ku Rwanda. Mu rwego rwo kugarurra Politiki zishingiye ku rwango n’amacakubiri ndetse no gukomeza Umugambi wa Jenoside.