Скачать или смотреть සාරාංශකරණය | Saranshakaranaya | සිංහල | Pradeepa Somasiri | Sinhala

65 - 75 අතර වන සේ සාරාංශ කොට ලියන්න.
ඔබ යෙදූ වචන සංඛ්‍යාව සාරාංශය අග ලියන්න.

පෘතුගීසි පාලනය පැවති කාලය සාමාන්‍යයෙන් පරම්පරා දෙකකට අයත් වේ. එයින් මුල් පරම්පරාව පෘතුගීසි දිවි පෙවෙතට අකමැත්තෙන් හෝ කැමැත්තෙන් හෝ හුරුව ජීවත්ව සිටි පිරිස යි. දෙවැනි පරම්පරාව පෘතුගීසි ඌරුවට නිරායාසයෙන් ඇබ්බැහි වී ජීවත් වූ පිරිස යි.
පෘතුගීසීන් ලංකාවේ මුහුදුබඩ පාලන බලය ක්‍රමයෙන් අල්ලා ගෙන අනුගමනය කළ වැඩ පිළිවෙළ නම් මෙරට හැකිතාක් පිරිස පෘතුගීසි සිරිත් - විරිත්වලට පුරුදු කරවීම යි. ඒ සඳහා ඔවුහු ආගම උපයෝගි කර ගත්හ. කෝට්ටේ ධර්මපාල රජුත්, යාපනයේ රාජ කුමාරවරුන් ක්‍රිස්තියානියට හැරවීම එහි ප්‍රධාන කාර්යයකි. ඒ කාර්යය නිසා කෝට්ටේ රාජ්‍යයේත් උතුරේත් විසූ බොහෝ පිරිස් ක්‍රිස්තියානිය වැලඳ ගත්හ.
සිංහලයන් පෘතුගීසි ජීවිතය පිළිගත් ඒ සැම අවස්ථාවක දීම කුදුමහත් ඝට්ටන රාශියකට දෙපිරිස ම මුහුණ පෑහ. පෘතුගීසීන්ගේ අදහස් ස්ථිර කරලීමටත්, ව්‍යර්ථ කරලීමටත් වැර දැරූ පිරිස් මෙරට වාසීන් අතර වූහ. පෘතුගීසීන්ට එරෙහි ව සිටි පිරිස් අතර මුල් තැන් ගත්තෝ භික්ෂූන් වහන්සේ යි. ආගමෝන්මාදයෙන් කටයුතු කළ පෘතුගීසීහු සඟ සතු දේපළ හා විහාරස්ථාන පමණක් නොව, හින්දු කෝවිල් ද විනාශ කළහ. පෘතුගීසි ව්‍යාපාරයට සහයෝගය නුදුන් ඔවුන්ගේ පාලනය යටතේ විසූවනට කිසිදු සහනයක් නොලැබිණි. ඒ නිසා පෘතුගීසි ව්‍යාපාරය නොරිස්සූ ජනයා, විශේෂයෙන් භික්ෂූන් වහන්සේ කෝට්ටේ රාජ්‍යය අතහැර සිංහල රජුට අයත් පෙදෙස් කරා පලා ගියහ. එසේ යාගත නොහැකි වූවෝ කරදර ගැහැට විඳිමින් තුෂ්ණිම්භුත ව සිටියහ. ඔවුන් කාලයත් සමග අභාවයට යත්ම, ඔවුන්ගෙන් ඇති වූ පිරිසත් පෘතුගීසි ගැති සිංහලයන් ඇතුළු පිරිසත් ඔවුන්ගේ පරපුරත් පෘතුගීසි සිරිත් විරිත් හා පැවතුම් අනුව වෙසෙන්නට පටන් ගති.

#saranshaya
#govermentexam #sinhala