Скачать или смотреть आश्रमशाळा प्रकरणी मोठी कारवाई | बांबू लागवडीतून रोजगार | निकृष्ट बेदाण्यावर कडक कारवाई

राज्यातील आश्रमशाळेतील विद्यार्थिनी आत्महत्या प्रकरणानंतर सर्व आश्रमशाळांमध्ये बंगळुरू येथील संस्थेमार्फत समुपदेशन सुरू करण्यात आले असून मुरबाड येथील प्रकल्प अधिकाऱ्याला निलंबित करून चौकशी केली जाणार असल्याची घोषणा आदिवासी विकास मंत्री अशोक उईके यांनी विधानसभेत केली. या संदर्भात राज्य महिला आयोगाचा अहवालही प्राप्त झाल्याचे त्यांनी सांगितले.

दरम्यान, आदिवासी समाजाला वाटप केलेले बहुतांश वनपट्टे ओसाड असल्याने त्यावर बांबू लागवड योजनेअंतर्गत मोठ्या प्रमाणावर लागवड केली जाणार असल्याची माहिती वनमंत्री गणेश नाईक यांनी दिली. नव्या तंत्रज्ञानाच्या साहाय्याने अधिक लांबीचे बांबू विकसित करण्यात आले असून त्यातून आदिवासी आणि बुरुड समाजाला रोजगार उपलब्ध होणार आहे. तसेच तयार होणाऱ्या वस्तूंना बाजारपेठ मिळावी यासाठी मॉलमध्ये जागा उपलब्ध करून देण्याचीही योजना आहे.

परदेशातून येणाऱ्या निकृष्ट दर्जाच्या बेदाण्याची तपासणी करून साठवणूक करणाऱ्या व्यापाऱ्यांवर गुन्हे दाखल करण्यात येतील, अशी ग्वाही फलोत्पादन मंत्री भरत गोगावले यांनी दिली. रोहयो अंतर्गत सुरू असलेली द्राक्ष लागवड योजना पुढेही सुरू ठेवली जाणार असल्याचे त्यांनी स्पष्ट केले.

अधिक माहितीसाठी व्हिडिओ शेवटपर्यंत पाहा.


#AshramShala #MaharashtraVidhansabha #AshokUike #GaneshNaik #BharatGogawale #BambooPlantation #AdivasiVikas #BurudSamaj #MaharashtraPolitics