Скачать или смотреть 2021

ભારતના હવામાન વિભાગ (IMD) એ મંગળવારે એક ચેતવણી જાહેર કરી છે, જે સૂચવે છે કે અરબ સમુદ્રમાં 16 મેના રોજ ચક્રવાત રચાયું છે. જો તેમ થાય તો, તે ઉત્તર હિંદ મહાસાગર ક્ષેત્રમાં બનનારૂ 2021 નું પહેલું ચક્રવાત હશે અને મ્યાનમારએ તેને ‘ટૂકટા’ નામ આપ્યું છે. આ ક્ષેત્રમાં સાયક્લોજેનેસિસ માટે મે માં મહાસાગરની સ્થિતી ગંભીર છે.

હવામાન વિભાગે લક્ષદ્વીપ, કેરળ, કર્ણાટક અને તમિલનાડુમાં 16 મેથી ગુરુવાર સુધી મધ્યમ વરસાદની ચેતવણી પણ આપી છે. વરસાદ મુખ્યત્વે પ્રેસર સિસ્ટમની રચના અને તેની તીવ્રતાને કારણે થશે. આ વાવાઝોડાંથી 14 મેની સવારે દક્ષિણ-પૂર્વ અરબ સાગરમાં નીચા દબાણવાળા ક્ષેત્રની રચના થવાની શક્યતા છે. તે 16 મેની આસપાસ પૂર્વ-મધ્ય અરબ સાગરમાં તીવ્ર વાવાઝોડાનું સ્વરૂપ ધારણ કરી શકે છે અને ઉત્તર પશ્ચિમમાં આગળ વધી શકે છે.

ભારતીય મોસમ વિભાગના અનુસાર, આ વખતના વાવાઝોડાના અલગ અલગ મોડલ છે. કેટલાક મોડલ બતાવે છે કે, આ વાવાઝોડું ઓમાનના કિનારા પરથી પસાર થઈ શકે છે, તો કેટલાક મોડલ દક્ષિણ પાકિસ્તાન તરફ ઈશારા કરે છે. જેનો મતલબ એ હશે કે, આ વાવાઝોડું ગુજરાતના કેટલાક ભાગોને પ્રભાવિત કરશે. 


ગુજરાતમાં 19-20 મેના રોજ 'તૌકતે' વાવાઝોડું સૌરાષ્ટ્ર-કચ્છમાં ત્રાટકવાની સંભાવના છે અને 35-40 કિમીની સુધીની ઝડપે પવન ફૂંકાઈ શકે છે. 19 મેના રોજ સૌરાષ્ટ્રના દરિયાકાંઠા પર વાવાઝોડું ફૂંકાવાની હાલના તબક્કે સંભાવના છે. સાથે જ વાવાઝોડાંના કારણે ગુજરાતમાં 30થી 40 કિમીની ઝડપે પવન ફૂંકાવાની શક્યતા છે. 


આ વાવાઝોડાનાં કારણે 14 મેની સવારે લક્ષદ્વીપ, માલદિવના વિસ્તારોમાં ગુરૂવારથી 40 થી 50 કિ.મી. પ્રતિ કલાકની ઝડપે પવન ફુંકાવાની સાથે વરસાદ પડી શકે છે. 15 મેના રોજ, આ વિસ્તારોમાં તેની ગતિ 60 થી 70 કિમી પ્રતિ કલાક સુધીની હોઈ શકે છે. તે જ સમયે, 16 મેના રોજ, લક્ષદીપ વિસ્તારમાં પવનની ગતિ પ્રતિ કલાક 80 કિલોમીટર સુધી પહોંચી શકે છે. તેવી જ રીતે કેરળ, ગોવા, કર્ણાટક અને મહારાષ્ટ્રના દરિયાકાંઠે 14 થી 16 મે સુધી ભારે પવનની આગાહી પણ કરવામાં આવી છે.