Скачать или смотреть សង្ខេបព័ត៌មានជាតិសំខាន់ៗ ប្រចាំថ្ងៃទី៣ ខែតុលា ឆ្នាំ២០២៥

---
១. អង្គភាពប្រឆាំងអំពើពុករលួយ (អ.ប.ព.) នៅថ្ងៃទី២ ខែវិច្ឆិកា បានចេញផ្សាយរបាយការណ៍បឋមអំពីការស្រាវជ្រាវរហ័សរបស់ក្រុមការងារអ.ប.ព. អំពីករណីបណ្ដឹងមកកាន់អ.ប.ព របស់កូនប្រុស ១៤ឆ្នាំ នៃលោកស្រី អែម ចន្ធី។ ឆ្លងតាមការស្រាវជ្រាវរហ័ស ប៉ុន្តែស៊ីជម្រៅធ្វើឱ្យ អ.ប.ព. យល់ថា តុលាការទាំងពីរថ្នាក់ (សាលាដំបូង+សាលាឧទ្ធរណ៍) សុទ្ធតែមានមូលដ្ឋានគតិយុត្ត និងភស្តុតាងត្រឹមត្រូវ ដើម្បីវិនិច្ឆ័យទោស ដាក់ពន្ធនាគារ ២ឆ្នាំ ដល់លោកស្រី អែម ចន្ធី ពីបទ មិនបំពេញកាតព្វកិច្ចចំពោះឧបករណ៍អាចជួញដូរបាន។ ករណីនេះ អ.ប.ព. រកមិនឃើញមានតម្រុយ នៃអំពើពុករលួយទេ។ តាមមេធាវីរបស់លោកស្រី អែម ចន្ធី បានឱ្យថា ខ្លួននិងកូនក្ដី នឹងប្តឹងសាទុក្ខទៅតុលាការកំពូលថែមទៀត អំពីបទល្មើសនេះ។ ជាមួយគ្នានេះ អ.ប.ព. យល់ឃើញថា គួររង់ចាំការផ្តល់យុត្តិធម៌ពីតុលាការបន្ថែមទៀត ដោយជៀសវាង ការអត្ថាធិប្បាយជាសាធារណៈ នាំឱ្យប៉ះពាល់ដល់សមត្ថកិច្ចរបស់តុលាការ។ អ.ប.ព. នឹងឆ្លើយតបទៅកុមារា សល្យ ស៊ីធីណែត និងម្តាយលោកស្រី អែម ចន្ធី ថា គាត់នៅមានឱកាសដើម្បីទទួលបានយុត្តិធម៌ពីតុលាការ អំពីចំនួនពិតប្រាកដ នៃប្រាក់បំណុល បើលោកស្រី អែម ចន្ធី មានភស្តុតាងគ្រប់គ្រាន់បង្ហាញតុលាការ។
ប្រភព៖ Anti-Corruption Unit (https://www.facebook.com/share/p/17hS...)

២. អគ្គលេខាធិការដ្ឋាន នៃគណៈកម្មការគ្រប់គ្រងល្បែងពាណិជ្ជកម្មកម្ពុជា(គ.ល.ក.) បានចុះផ្អាក និងបិទអាជីវកម្មកាស៊ីណូ របស់ក្រុមហ៊ុន ជីន ប៉ី និង ជី ស៊ី ចំនួន ៤កន្លែង ក្នុងខេត្តព្រះសីហនុ កាលពីថ្ងៃទី២ ខែវិច្ចិកា។ ការបិទអាជីវកម្មកាស៊ីណូទាំង៤ ធ្វើឡើងតាមសេចក្ដីសម្រេចចំនួន ៤ ស្ដីពីការការព្យួរអាជ្ញាបណ្ណរបស់ កាស៊ីណូឈ្មោះ ជីន ប៉ី គ្រុប, កាស៊ីណូឈ្មោះ ជីន ប៉ី, កាស៊ីណូឈ្មោះ ជី.ស៊ី កាស៊ីណូ និងកាស៊ីណូឈ្មោះ កាស៊ីណូ ជីន ប៉ី៤។ តាមអគ្គលេខាធិការដ្ឋាននៃ គ.ល.ក. កាស៊ីណូចំនួន៤ ដែលត្រូវបានផ្អាក និងបិទនោះ គឺបន្ទាប់ពីមានការសង្ស័យប្រព្រឹត្តបទល្មើសលួចលាក់បង្កប់អំពើឆបោកតាមប្រព័ន្ធបច្ចេកវិទ្យា។
ប្រភព៖ អគ្គលេខាធិការដ្ឋាន គ.ល.ក. (  / pfbid033njzdvbv9tbaqszacidhdrdkctem16v9txx...  )

៣. យោងតាមសារលិខិតអបអរសាទរ «ទិវាជាតិអាហារូបត្ថម្ភលើកទី១២» នៅថ្ងៃទី៣ ខែវិច្ឆិកា សម្ដេចធិបតី ហ៊ុន ម៉ាណែត បានផ្ដល់អនុសាសន៍ដល់ក្រសួងអប់រំ ពង្រឹងវិធានការអនុវត្តការលើកកម្ពស់សុវត្ថិភាព និងសុខុមាលភាព ចំណីអាហារនៅតាមគ្រឹះស្ថានសិក្សាសាធារណៈ និងឯកជន ជាពិសេស ត្រូវហាមឃាត់ការទទួលទាន ការចែកចាយ ការដាក់តាំងលក់ និងការផ្សព្វផ្សាយពាណិជ្ជកម្មផលិតផលភេសជ្ជៈប៉ូវកម្លាំងគ្រប់ប្រភេទ ទាំងក្នុង និងជុំវិញបរិវេណសាលា។ សម្ដេចធិបតី ក៏បានណែនាំឱ្យក្រសួងអប់រំ បន្តលើកកម្ពស់ការអប់រំអាហារូបត្ថម្ភដល់សិស្សានុសិស្ស តាមរយៈកម្មវិធីផ្ដល់អាហារតាមសាលារៀន ដោយប្រើប្រាស់កសិផលក្នុងសហគមន៍ និងការផ្តល់សេវាអប់រំស្ដីពីអាហារូបត្ថម្ភ។
ប្រភព៖ សម្ដេចធិបតី ហ៊ុន ម៉ាណែត (https://t.me/Dr_Hunmanetofcambodia/23...)

៤. កាលពីថ្ងៃទី២ ខែវិច្ឆិកា, សមត្ថកិច្ចកម្ពុជា បានបន្តបណ្ដេញជនជាតិវៀតណាមចំនួន ៣៤នាក់ទៀតចេញពីប្រទេស។ ការអនុវត្តនីតិវិធីបណ្ដេញចេញនេះក្រោយរកឃើញថា អ្នកទាំងនោះបានលួចឆ្លងដែនចូលកម្ពុជាប្រព្រឹត្តអំពើឆបោកតាមអនឡញ។ បើតាមអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ ជនជាតិវៀតណាមខាងលើ ត្រូវបានបណ្តេញចេញពីកម្ពុជា តាមច្រកទ្វារព្រំដែនអន្តរជាតិបាវិត ខេត្តស្វាយរៀង ដែលក្នុងចំណោមនោះ មានស្រីចំនួន ៣នាក់។ គួរជម្រាបជូនថា ក្នុងរយៈពេល៩ខែ ឆ្នាំ២០២៥ អាជ្ញាធរ និងកងកម្លាំងមានសមត្ថកិច្ចបានចុះស្រាវជ្រាវ និងបើកប្រតិបត្តិការបង្ក្រាបតាមគោលដៅដែលពាក់ព័ន្ធក្នុងបទល្មើសតាមប្រព័ន្ធបច្ចេកវិទ្យា (Online Scam) ចំនួន៤៨លើក ដោយឃាត់បានមនុស្សចំនួន ២,៩១០នាក់ ក្នុងនោះកសាងសំណុំរឿងបញ្ជូនទៅកាន់តុលាការ ១៦៨នាក់ និងអនុវត្តនីតិវិធីបណ្ដេញចេញពីកម្ពុជាចំនួន ២,៧២២នាក់។
ប្រភព៖ ថ្មីៗ (https://www.kampucheathmey.com/local-...)

៥. អ្នកផលិតមាតិកាមួយរូប ឈ្មោះ «បញ្ញា-Panha» ដែលបានធ្វើវីដេអូ និយាយប៉ះពាល់ដល់កិត្តិយសខេត្តតាកែវ បានចេញលិខិតកិច្ចសន្យា ចំពោះមុខសមត្ថកិច្ច បញ្ឈប់នូវរាល់ទង្វើរបស់ខ្លូន ប៉ះពាល់ដល់កិត្តិយសខេត្តតាកែវ និងខេត្តដទៃ។ សូមជម្រាបថា ការធ្វើលិខិតសន្យា បញ្ឈប់រាល់សកម្មភាពដែលធ្វើឱ្យប៉ះពាល់ដល់កិត្តិយសខេត្តតាកែវ និងខេត្តផ្សេងៗ គឺបន្ទាប់ពីបុគ្គលឈ្មោះ បញ្ញា រូបនេះ បានផលិតវីដេអូដើរសួរយុវជនថា «ខេត្តណាសាហាវព្រែផ្សៃជាងគេ» ដោយពួកគេឆ្លើយថាខេត្តតាកែវ ខណៈអ្នកប្រើប្រាស់បណ្តាញសង្គមហ្វេសប៊ុកជាច្រើន យល់ឃើញថាវីដេអូនេះ គឺជាការចម្អកទៅដល់អ្នកខេត្តតាកែវ ដែលនាំឱ្យមានការស្អប់ខ្ពើម និងការរើសអើង។ យ៉ាងណាមិញ ក្រោយកើតមានករណីនេះ ក្រសួងព័ត៌មាន តាមរយៈអ្នកនាំពាក្យ ក៏បានធ្វើការក្រើនរំឮកជាថ្មីម្ដងទៀតទៅកាន់អ្នកផលិតមាតិកា ឱ្យប្រកាន់ខ្ជាប់នូវក្រមសីលធម៌ខ្ពស់ផងដែរ។
ប្រភព៖ Fresh News (https://t.me/freshnewsasia/260372)

Facebook:   / preah.khan.khmer  
Telegram: https://t.me/preah_khan
TikTok:   / preah_khan