តារាបាល់ទាត់ដ៏ល្បីល្បាញ លោកប៉េឡេ

លោកប៉េឡេ មានឈ្មោះពេញថា អេដសុន អារ៉នតេស ដូ ណាសស៊ីម៉ងតូ។ លោកប៉េឡេ កើត នៅថ្ងៃទី២៣ ខែតុលា ឆ្នាំ១៩៤០ នៅទីក្រុងត្រេស កូរ៉ាសូ ប្រទេសប្រេស៊ីល នៅក្នុងរដ្ឋ មីណា ហ្សឺរ៉េស។ លោកប៉េឡេ គឺជាតារាបាល់ទាត់ ប្រេស៊ីល ដែលជំនាញនៅខ្សែប្រយុទ្ធ និងជាអ្នក គ្របដណ្តប់លើតារាងបាល់ទាត់ប្រចាំទសវត្សឆ្នាំ១៩៥០ ដល់ទសវត្សឆ្នាំ១៩៧០។ ក្រៅពីនេះ លោកប៉េឡេក៏ជាអ្នកសម្តែងខ្សែភាពយន្ត ដឹកនាំរឿង និងជាផលិតករដែរ។ លោកប៉េឡេមិនត្រឹមតែល្បីនៅក្នុងប្រទេសប្រេស៊ីលទេ គឺលោកជាកីឡាករល្បីលំដាប់ពិភពលោក ហើយក៏មានកីឡាបាល់ទាត់ជំនាន់ក្រោយជាច្រើន បានយករូបលោកជា រ៉ូលម៉ូដែល role model ផងដែរ។ លោកប៉េឡេបាននាំឲ្យប្រេស៊ីលឈ្នះពានរង្វាន់បាល់ទាត់ពិភពលោក world cup ចំនួន៣ដងផងដែរ រួមមាន នៅឆ្នាំ១៩៥៨ ឆ្នាំ១៩៦២ និងឆ្នាំ១៩៧០។