Oğlu cinsini dəyişdi, arvadından boşandı, avtobus sürücüsü işlədi - Yetim Eyvazı öldürən səbəb

Yetim Eyvaz kimə oğr*ş demişdi?
Toylara qiymət danışmayan, dostunun telefonundakı bir şeiri ilə bütün Azərbaycanda məşhurlaşan, şeirə görə ailəsi ilə boşanan Yetim Eyvaz…

Eyvaz Qurbanov 26 fevral 1952-ci ildə doğulub. Bütün mənbələrdə onun Siyəzəndə doğulduğu deyilsə də, şairin 2012-ci ildə mənə verdiyi müsahibədə bunun əksini görürük. O, müsahibə zamanı indiki Şabran, keçmiş dəvəçi rayonunda doğulduğunu deyir.

Onun 40 yaşının tamam olduğu gün Xocalı faciəsi baş verir və Eyvazın 40 yaşından sonrakı bütün doğum günləri faciəyə təsadüf etdiyindən həmin gün doğum gününüə qeyd etmir. Eyni zamanda Xocalıda şəhid olan Əlif Hacıyevin hərbi xidmət yoldaşı olub.

O, 1958-ci ildə Siyəzən şəhər Cəfər Cabbarlı adına 1 nömrəli məktəbin ilk sinfinə daxil olub. Orta məktəbi bitirdikdən sonra hərbi xidmətə yollanıb. Uzun illər toylardamüğənnilik fəaliyyəti göstərib. Əməliyyat olunduqdan sonra səsi batıb. Ardınca 21 il avtobus sürücüsü işləyib. 14 yaşından şeir yazmağa başlayıb.

Yetim təxəllüsünü də sürücü işlədiyi zamanlarda qazanıb. ÖZü barədə tez-tez yetim uşağam deyən Eyvaz qarajdakı digr sürücülər tərəfindn yetim adlandırlıb. Dostu Şirəlinin telefonunda Azərbaycana yayılan “Yaz yağışı” şeiri ilə məşhurlaşıb.

Eyvaz Qurbanovun 2 qızı və 2 oğlu var. Yetim Eyvazın ayrıldığı həyat yoldaşında qalan övladlarından biri Aqşinin 2018-ci ildə cinsini dəyişməsi ilə bağlı xəbrlər yayılıb. Mətbuatın yazdığına görə Aqşin də müğənnilik fəaliyyəti ilə məşğul olub. Hətta səs yarışmasına da qatılan Aqşinin cinsini Türkiyədə dəyişib və hazırda hansı adı daşıdığı bilinmir.
Mətbuat onu da yazmışdı ki, Aqşin heç atasının yasında, dəfnində də iştirak etməyib.

Yetim Eyvazözünə heç vaxt şair deməyib. Və şair adlandırılmağını da qəbul etməyib. O, müsahibəsində deyir ki, Füzuli olan yerdə mənim özümə şair demyib ayıbdı.

2500-dən çox şeir və qəzəli var. Təəssüf ki, həmin şeirlərin böyük hissəsi itib. Çünki Eyvaz özü sinədəftər olduğundan həmin şeirlərin qeydinə qalmayıb. Bu gün gün sosial şəbəkələrdə şairin öz dilindən səslənən şeirlərdən avayı, demək olar ki,mətni yoxdu. Onun yaz yağışı adlı kitabı nəşr olunsa da, hazırda həmin kitab da mənbə kimi qalmayıb.
Çoxu onu savadsız adam hesab etsə də, Yetim Eyvaz Qərb ədəbiyyatından Hüqo, Bayron, Şekspir və başqalarının əsərlərini, eyni zamanda Şərq klassikasını mütaliə edib.


Bir dəfə qışda pivə içdiyinə görə bir restoranda lağa qoyulub. Onunla məzələnən oğlanla çölə çıxıblar. Həmin şəxs restoranın sahibin qardaşı imiş. Eyvaz həmin oğlanı müdafiə eləyənlərə deyib ki, bu adam oğraşdı. Onu döymək istədikləri an biri soruşub ki, bəs sən nəsən? Eyvaz da deyib ki, mən Yetim Eyvazam. Bu sözdən sonra hamı ondan üzr istəyib qayıdıblar.

Özü müsahibəsində deyir ki, ailəsi ilə şeirə görə boşanıb. Övladlarını evləndirdikdən sonra həyat yoldaşı ilə şeir üstündə mübahisə edib. Yoldaşı ondan şeirlərindəki qadının kim olduğunu soruşub. Dəfələrlə təkraralanan bu hadisədən sonra Eyvaz evdən birdəfəlik gedib.
2016-cı ildə əməliiyat olunur. Həkim ona spirtli içkini qadağan etsə də Eyvaz deyir, mən hamıya demişəm ki, pənco-pənco içəsən gərək. İndi necə deyim ki, pəhrizdəyəm. Allahın verdiyi ömür nədirsə, onu da yaşayacam.

Beləliklə Yetim Eyvaz bu hadisədən bir neçə ay sonra, 2017-ci ilin 23 iyulunda tromdan vəfat edir.

Təbii ki, yetim Eyvaz sanballı sənət nümunələri yaratmadı. Onun yazdıqları heç ədəbiyyat səhifələrində də qalmayacaq. Ancaq bütün bunlarla yanaşı, heç kəs dana bilməz ki, bir var idi, bir zamanlar milyonlarla insanın demək istədiyini demiş, milyonlarla insanın ürəyinə təskinlik gətirmiş və onların könlündə taxt qurmuşdu.