Скачать или смотреть ရွေးကောက်ပွဲကော်မရှင်ရုံးထဲ စစ်ဗိုလ်တွေထည့်ခဲ့ကြောင်း ပေါ်ထွက်လာ (ရုပ်/သံ)

စစ်ကော်မရှင်ဦးစီးကျင်းပတဲ့ ၂၀၂၅ ဒီဇင်ဘာလ ရွေးကောက်ပွဲအပိုင်း ၁ ပြီးတဲ့နောက်မှာ စစ်တပ်က ဗိုလ်ကြီးအဆင့်ရှိသူ ၇ ဦးကို ပြည်ထောင်စုရွေးကောက်ပွဲ ကော်မရှင်ရုံးမှာ ထပ်မံခန့်အပ်ခဲ့တာကို တွေ့ရှိရပါတယ်။

ကာကွယ်ရေးဝန်ကြီးဌာနမှာ တာဝန်ထမ်းဆောင်ဆဲ ဗိုလ်ကြီးအဆင့်ရှိသူ ၇ ဦးကို ရွေးကောက်ပွဲ ကော်မရှင်ရုံးက လစ်လပ်နေတဲ့ “ဦးစီးအရာရှိ” ရာထူးအတွက် ဇန်နဝါရီလ ၆ ရက်နေ့ မှာ ခန့်အပ်ခဲ့တာဖြစ်ကြောင်း စစ်ကော်မရှင်က အကြောင်းပြပါတယ်။

ဒီလို ရွေးကောက်ပွဲကော်မရှင်မှာ စစ်တပ်ကနေပြောင်းလာတဲ့သူတွေကို ခန့်ထားတာက ဖြစ်ရိုးဖြစ်စဉ်လိုဖြစ်နေပြီး ကော်မရှင်ထဲက အခြားရာထူးတွေကိုလည်း စစ်တပ်က လာတဲ့အရာရှိ အချို့ကိုခန့်ထားတယ်လို့ ၂၀၂၅ ရွေးကောက်ပွဲကို ဝင်ပြိုင်ခဲ့တဲ့ နိုင်ငံရေး ပါတီတခုက ဧရာဝတီကိုပြောပါတယ်။

စစ်တပ်ကဦးစီးကျင်းပတဲ့ ၂၀၂၅ ရွေးကောက်ပွဲကာလတလျှောက် နိုင်ငံရေးပါတီလျှောက်ထားမှု၊ ပါတီဖျက်သိမ်းမှု၊ ကိုယ်စားလှယ်လောင်းအမည်ဖျက်သိမ်းမှုတွေ၊ နောက်ကျမဲ နဲ့ ကြိုတင်မဲ ပြဿနာတွေ ရှိခဲ့ပေမယ့် စစ်ဗိုလ်ချုပ်တွေဦးဆောင်တဲ့ ရွေးကောက်ပွဲကော်မရှင် ကိုတော့ ဝင်ရောက် ယှဉ်ပြိုင်တဲ့ နိုင်ငံရေးပါတီတွေအနေနဲ့ ကျယ်ကျယ်လောင် ဝေဖန်တာမျိုးမတွေ့ခဲ့ရဘူးလို့ လေ့လာစောင့်ကြည့်သူတွေကဆိုပါတယ်။

ဝင်ရောက်ယှဉ်ပြိုင်ခဲ့တဲ့ နိုင်ငံရေးပါတီအချို့ကတော့ စစ်တပ်ကဖွဲ့စည်းထားတဲ့ ရွေးကောက်ပွဲ ကော်မရှင်ကို အပြည့်အဝအယုံအကြည်မရှိတာရယ် နဲ့ ဖမ်းဆီးခံရမှာ ကြောက်တာကြောင့် ထုတ်ဖော်ပြောဆိုဖို့တောင် အဘက်ဘက်က စဉ်းစားနေရတဲ့ အခြေအနေဖြစ်တယ်လို့ ဧရာဝတီကို ပြောပါတယ်။

#မြန်မာ #ဧရာဝတီ #ရွေးကောက်ပွဲကော်မရှင် #စစ်တပ် #UEC #What'sHappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy