تعيش يا راسي 👏🔥 || اداء - ماجد خضير || حصرياً

الكلمات : 👇👇👇

الشمس غابت و أسدل الليل الستار
و أنا يا ليل من العصر و أنا انتظر

يا صيف ليلك ما هو بمثل النهار 
نهارك مشلهب تقول إنه جمر

آنا يا ليل أطريتك بدون إضطرار
طرّاك والله الاجر ف ليال العشر

بالطاعة نطيع الله بكل إختيار
يا الله لا تحرمنا المثوبة و الأجر

بعد الذِكر طاب السِمَر و النوم طار
بقعد أقاصد لين يذن للفجر

إن كان شاب القاف عز الله قرار
و إن كان ما شيّب نواصل للظهر

هاجوسي مسريني أقص القفار
يا ليل بالقاف المسرّي و أنت إسر

أحس راسي خارج حدود المدار
و الكورة الآرضية آمامي تفر

مكانته عِليا مع الروس الكبار
تعيش يا راسي و يا جعلك ذخر

تفداك روس عقولها دايم صغار
تفكيرها كنّه هشيم المُحتَظِر

و الصدر ماني قادر آزر الزرار
من شيٍ بوسطه تقول بينفجر

أقل ما في وسطه بكل إختصار
شوط ال١٠٠ لآ بن دغيثر بالصُفر

نخبة مزاين ضاريه بالإنتصار
متفردة بالزين بأمرٍ قد قُدر

صياهد القيفان معطيها اعتبار
حتى أغلب الجمهور منها منبهر

أسبك قصيدي و أحبكه بأغلى عيار
ناذر على نفسي ما أجيب إلا درر

و المعرفة و العلم ماهي بإحتكار
شفنا النبي موسى و هو جنب الخَضِر

حتى و أنا محقق براءات إبتكار
ما صابني لا غطرسة وآ لا كِبر

و الكفو لا منه نخاني قلت صار
يبشر بعزه و سّعَده و اللي يسر

دونه نسوق المال و نسوق العمار
خل الشعر و خل تكريس الفكر

يا أبو سعود ابشر و من دون إعتذار
أنته ترا ما تطلب و تأمر آمر

دعوتك ما عنها يمين و لا يسار
و لا يعذّرنا معك أسمن عذر

الأرض نطويها من أجلك و الديار
نجيك ما نهتم بالكيلو متر

عبدالآله ابن سعود ابن نوار
اسمك فخر و اللي يِعَرْفك يفتخر

طويل عمر مرافق طوال العمار
كل ما نشدنا عنك قالوا فالقصر

رحب بضيفانك و زيد النار نار
على الشحم و البن الأشقر و التمر

و العود له خنّة و نفحات البهار
و الحفل ليله نور و أنسامه عطر

القاف باقي فيه من كل الثمار
لكن أبوجز فالقصيدة و أختصر

ربعي عتيبه أفخر بهم كل إفتخار
لعيونهم آآكحّل عيون الشعر