Скачать или смотреть 汪明荃重拾50年前幸福的味道 賞花被誤會黑面周奕瑋代為澄清

汪明荃重拾50年前幸福的味道 賞花被誤會黑面周奕瑋代為澄清

汪明荃 同日本通 周奕瑋 之前到日本拍攝節目《帶阿姐看世界》，旅程中阿姐好想尋找50幾年前喺東京返學時食嘅肉包味道。Jarvis知道阿姐想搵返呢份回憶，於是專登去搵返呢個肉包人肉外賣送俾阿姐，阿姐食完仲表示好滿意，更指似足以前嗰種味道，有暖笠笠嘅感覺。

Jarvis笑指原來阿姐嘅幸福的秘密係咁簡單，170 Yen就可以喺便利店搵到。今次佢帶Liza姐去咗唔同嘅景點吃喝玩樂，其中去到一個杜鵑花祭，面對三千棵花燦爛盛放嘅場面，阿姐即刻興奮打卡留念。

Jarvis話因為拍攝嘅時係杜鵑花盛開季節，專登帶阿姐去賞花影相，但事後阿姐喺社交平台嘅相就被網民誤會阿姐黑面，所以Jarvis都特意澄清，話當日因為陽光猛烈，大家影相時都要用力抵抗強光睜開眼，搞到網民誤會，其實阿姐不知幾開心，仲叫身邊助手不斷幫佢影相，Jarvis都有充當攝影師。

另外佢哋仲登上新開嘅Dinner in the sky 開餐，喺40米高空享受美食。勇於嘗試嘅阿姐又大膽挑戰玩高卡車，而且速度一圈比一圈進步。Jarvis話最初都擔心阿姐會唔會玩啲咁刺激嘅玩意，但原來阿姐又好鍾意新嘗試，當換上賽車造型時一個好似黑玫瑰嘅俠盜Look仲好搞笑，阿姐仲同Jarvis一齊舉手擺甫士影相。

#汪明荃 #周奕瑋 #帶阿姐看世界 #杜娟花祭 #賞花 #黑面 #DinnerInTheSky #高卡車#黑玫瑰
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0