Скачать или смотреть ခင်ဦးမှာစစ်တပ်စစ်​ကြောင်းပျက်သွားတဲ့တိုက်ပွဲရုပ်သံ ထုတ်ပြန် | People's Spring

ခင်ဦးမှာစစ်တပ်စစ်​ကြောင်းပျက်သွားတဲ့တိုက်ပွဲရုပ်သံ ထုတ်ပြန်

နိုဝင်ဘာ-၂၅၊၂၀၂၅။People's Spring

စစ်ကိုင်းတိုင်း၊ခင်ဦး​မြို့နယ်မှာPDF ၊ပကဖ နဲ့ ပလဖ ပူး​ပေါင်းတပ်တွေက စစ်တပ် စစ်ကြောင်းပျက်​အောင်တိုက်ခိုက် ချေမှုန်းခဲ့တဲ့ရုပ်သံမှတ်
တမ်းကို ဒီကနေ့ ထုတ်ပြန်ပါတယ်။

နိုဝင်ဘာလ ၂၃ ရက် နေ့လယ် ၁၂ နာရီက တပ်မ (၃၃)လက်​အောက်ခံစစ်တပ် စစ်ကြောင်းကိုပူး​ပေါင်းတပ်​တွေကကြားဖြတ် ပိတ်ဆို့ တိုက်ခိုက်​ခဲ့တာပါ ။စစ်သားအများအပြားသေဆုံးပြီး၊ စစ် ကြောင်း တပ်ပျက်ကာ ကစဥ့်ကလျားနဲ့ ထွက်ပြေးခဲ့ရတယ်လို့ ဖော်ပြပါတယ်။

တော်လှန်ရေးအင်အားစုဘက်ကထိခိုက်မှုမရှိ၊ ရန်သူ့ လက်နက်အများအပြား သိမ်းဆည်းနိုင်ခဲ့တယ်လို့လည်း အသိပေးပါတယ်။

ရုပ်သံမှတ်တမ်းအရ မုံလှကျေးရွာမှာလေးရက်ကြာယာယီတပ်အထိုင်ချပြီးပျဥ်ထောင်(ပျူရွာ)ကိုထွက်လာတဲ့ကန့်ဘလူမှနည်းဗျူဟာ (၃၃၂) ၊ ခမရ(၁၁၁) ၊ ကန့်ဘလူ ပျူစောထီး စုစုပေါင်း ခန့်မှန်းအင်အား (၁၈၀) ခန့်ကို မုံလှရွာ က​နေပျဥ်ထောင် (ပျူရွာ)သို့ အသွားလမ်းခုလတ်တစ်နေရာမှာ ​တော်လှန်​ရေးတပ်​တွေကပိတ်ဆို့တိုက်ခိုက်ခဲ့တာဖြစ်ပါတယ်။

PDF အမှတ်(၂)ရွှေဘိုခရိုင်၊ အမှတ် (၃)တပ်ရင်း၊ ခင်ဦးမြို့နယ် ပကဖ၊ တိုက်နယ် (၁) ၊ (၂) ၊(၃) ၊(၄)၊ (၅)ပကဖများ၊ ခင်ဦးမြို့နယ် ပလဖတို့ ပူး
ပေါင်းတိုက်ခိုက်ခဲ့တာလို့ သိရပါတယ်။

စစ်တပ်စစ်ကြောင်း တစ်ကြောင်းလုံးတပ်ပျက်သွားပြီး ​သေဆုံးစစ်သားအ​လောင်း​တွေချန်ထားခဲ့ပြီး နောက်ကြောင်းကို ကစဥ်ကလျား ဆုတ်ပြေးသွားတဲ့ စစ်ကောင်စီတပ်သားတွေဟာ မုံလှရွာထဲကို ထွက်ပြေးသွားကြတယ်လို့သိရပါတယ်။

တိုက်ပွဲမှာ ငါးကြင်းမှီး(၁)လက်၊ MA-1(၁၀)လက်၊ MA-2(၃)လက်၊ BA-100/ 60mm ကွန်မန်ဒို စိန်ပြောင်း(၁)လက်၊MA-3(၃)လက်၊ MA-4(၁)လက်၊ G-3(၄)လက်၊MAS Sniper(၁)လက်၊M1-(၅)လက် နဲ့ ဆက်စပ်ကျည် ခဲယမ်း အစုံ၊ အများအပြား သိမ်းဆည်းရရှိခဲ့ပါတယ်။

"မုံလှမှာက တပ်စွဲတာက ၃၀၀ လောက်ရှိတယ်။အခင်း ဖြစ်တဲ့နေ့မှာ ၁၈၀ ဝန်းကျင်ပါတယ်။ဒါကြောင့် ကျန်တဲ့အင်အားစုတွေက မုံလှရွာကို ပြန်ဆုတ်တယ်။ပြန်ဆုတ်တဲ့အနေအထားမှာ ပြေရင်းလွှားရင်းနဲ့လယ်တွေထဲ ပုန်းလျှိုကွယ်ရင်းနဲ့ ရွာထဲကို ပြေးသွားရတဲ့ အခြေ အနေမျိုးပါ"လို့ ခင်ဦး ပကဖ တာဝန်ရှိသူက လူထုနွေဦးကို ပြောပါတယ်။

တိုက်ပွဲ ဖြစ်တဲ့နေ့က စစ်ကောင်စီစစ်ကြောင်းမှာ သေဆုံးတဲ့သူ ၅၀ နဲ့ ၈၀ ကြားရှိနိုင်တယ်လို့လည်း သူက ခန့်မှန်းပါတယ်။

အခု တိုက်ခံရတဲ့စစ်ကြောင်းက ကန့်ဘလူ ဘက်က နေ ခင်ဦးမြို့နယ်ထဲကို နိုဝင်ဘာ ဒုတိယပတ်က ဝင်ရောက်ခဲ့တာဖြစ်ပါတယ်။

နိုဝင်ဘာ၁၂ရက်ကကန့်ဘလူမြို့နယ်ကာဘိုးရွာကနေ ယင်းတိုက်ရွာဘက်ကို စစ်ကြောင်းထိုးလာတဲ တပ်မ-၃၃လက်အောက်ခံတပ်ရင်းတွေနဲ့ပျူစောထီးအင်အား ၁၀၂ ဦးပါစစ်တပ် ကြားဖြတ်တိုက်ခံရပြီး အရှင် ၁၅ ဦး နဲ့ သေဆုံးသူ ၅၀ ဝန်းကျင် ရှိပြီး စစ်​ကြောင်းပျက်ခဲ့တယ်လို့ ကာကွယ်ရေးတပ်ဖွဲ့တွေက ထုတ်ပြန်ထားပါတယ်။

ဒီလဆန်းကစလို့ ကန့်ဘလူ–ခင်ဦးအစပ်ကို စစ်တပ်နဲ့ နယ်​မြေခံပျူ​စောထီးပူး​ပေါင်းပြီးအင်အား (၃၀၀)ဝန်းကျင်နဲ့ စစ်​ကြောင်းထိုးနေတာဖြစ်ပါတယ်။

စစ်အုပ်စုဟာအဲဒီဒေသတွေကိုလမ်းပန်းဆက်သွယ်​​ရေးအရ​ရော နယ်​မြေပြန်စိုးမိုး​ရေးအတွက်ပါ လုပ်ဆောင်နေတာ ဖြစ်တယ်လို့ စစ်ကိုင်းအထက်ပိုင်းစစ်ရေးသတင်းရင်းမြစ်တချို့က သုံးသပ်ထားပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA