何伯拖何太突入《逆天2》結局搞「㷫」劉佩玥 李思捷阮兆祥還原熱爆新聞人物

何伯拖何太突入《逆天2》結局搞「㷫」劉佩玥 李思捷阮兆祥還原熱爆新聞人物

向來擅長模仿嘅福祿壽三子 阮兆祥 李思捷 王祖藍，喺《福祿壽訓練學院》再次使出真功夫，由 李思捷 同 阮兆祥「極速」 還原近日熱爆新聞人物何伯＋何太。

佢哋噚日(10號)直踩《逆天奇案2》大結局現場。拖住「何生」步進《逆天2》現場嘅「何太」，搞笑地猛叫「林夏薇呀」之餘，又拉住劇集總監製劉家豪及其太太梅小青影合照，引起全場哄動及笑聲，現場記者朋友及賓客爭相拍照留念。

計劃當日下午先扑鎚落實，製作組即喺電視城翻箱倒籠摷行頭、摷道具，結果兩小時內成功搜羅相似極度嘅衣著打扮，單係「99.9%」神倒模造型已令人忍俊不禁，更急Call事件原主持魏柏豪協助拍攝，相當認真。

事後呢對新聞人物亦大方再受訪問， 王鎮泉 亦追問外界都大感興趣嘅問題，好似「何太」一身被估計高值30多萬嘅行頭，仲有公屋單位同銀行高額存款等問題，可惜就未能問出一個所以然喇。

祥師兄同思捷事後笑言，模仿前特意重溫《東張西望》片段掌握重點。今次佢哋扮演「何生」、「何太，完全係順應民意，事件連日成為城中熱話，有網民喺社交平台公開向阮兆祥同李思捷提出要求，故呢日福祿壽三子經過商量後，決定順應民意還原新聞主角。

《福祿壽訓練學院》星期日晚 20:30 翡翠台

#何伯 #何太 #阮兆祥 #李思捷 #王祖藍 #福祿壽訓練學院 #還原 #新聞人物 #林夏薇 #劉佩玥 #東張西望 #主持 #魏柏豪
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0