Скачать или смотреть महाराष्ट्रात वकील बांधवांच्या संरक्षणासाठी कायदा लागू झालाच पाहिजे l Satyajeet Tambe

नाशिक जिल्ह्यातील माडसांगवी येथे 2 जुलै 2025 रोजी ॲड. रामेश्वर बोराडे यांच्यावर 3 अज्ञात व्यक्तींनी प्राणघातक हल्ला केला. या अत्यंत गंभीर घटनेमुळे पुन्हा एकदा वकिलांच्या सुरक्षेचा प्रश्न ऐरणीवर आला आहे. याआधी फेब्रुवारी 2024 मध्ये आमच्या अहिल्यानगर जिल्ह्यातील राहुरी तालुक्यात ॲड. राजाराम आढाव आणि त्यांच्या पत्नी मनीषा आढाव या वकील दाम्पत्याची निर्घृण हत्या करण्यात आली होती. तपासांती ही हत्या त्यांच्या स्वतःच्या अशिलाने केल्याचे उघड झाले.

या घटनांनंतर राज्यभरातून वकिलांच्या सुरक्षेसाठी स्वतंत्र कायदा करण्याची मागणी अधिक तीव्र झाली असून याबाबत
📌 1 मार्च 2024 – अर्थसंकल्पीय अधिवेशन
📌 21 डिसेंबर 2024 – हिवाळी अधिवेशन
या दोन्ही अधिवेशनात मी वकिलांच्या संरक्षणासाठी स्वतंत्र कायदा करण्यात यावा यासाठी सातत्याने आवाज उठवला आहे.

बिहार, झारखंडसारख्या राज्यांनी वकिलांसाठी संरक्षण कायदा लागू केलेला असताना महाराष्ट्र मात्र अद्यापही दुर्लक्षित आहे. म्हणून राज्यात वकील संरक्षण कायदा तातडीने लागू करण्यात यावा, तसेच सदर वकीलांवरील हल्ल्यांची सखोल चौकशी करून दोषींवर कठोर कारवाई करावी, अशी मागणी आज विधिमंडळात केली. मला आशा आहे की आता तरी शासनाकडून यासंदर्भात सकारात्मक निर्णय होईल.