شلة العاصوف || كلمات عبدالهادي بن قنيفذ || ادءا محمد ال نجم

راكب اللي نوره ايسفر الليل الحلوك
لكزس يطوي المسافه الى افتر اكفره

ماغبط من طار في الجو في رحله مكوك
الدروب امسهله والامور اميسره

لاشتغل حسه يداوى الصدور الي ضنوك
ومركبه مركب فخامه وشوفه مفخره

شاشته صرافه المال في صاله ابنوك
خارطتها كل ما في البسيطه تظهره

ولاضغت ازرار تشغيله وناش السلوك
كن سكانه يحييك فافخم مظهره

وكن وصف مرايتينه بضغط زرار لووك
مثل اذاني لارنب الخايفه تحت ازهره

وجهته صوب ابلج دايم نابه ضحوك
والرجال الى حدتها الليالي تنحره

اقصد العاصوف فزعه من عزومه بروك
بو فرج عون لمنهو غثا الوقت اقهره

ذخرنا الي في يمينه على الطاله صكوك
وطيبه الاقصى والادنى مع الناس اخبره

يافهيد وقبلي اللي على ذكرك نصوك
وامدحوك بطيب فعلك وانا المدح اذكره

وانت لو مانت بعلا المدح ماكان امدحوك
العرب من طاب معها بطيبه تشكره

الكرم من يدك يندا والى جاوك لقوك
مجلسك عامر وفيه الدلال امبهره

سمعتك بالطيب من حد مارب لا تبوك
من البحر الاحمر ليا السيف الاقصى وبحره

وارث طيبك اوراثه من اجدادك وابوك
وانت من روس لها هيبه ومقدره

فزعتك يحيا بها الدرك وتبل الحنوك
ولفتتك من تشمله جات خير واخيره

يامهجد روس الاخصام مافيها شكوك
يا مخلي جمعهم يوم تاتي بعثره

من شموخك كل ماجيت دوله رشحوك
يحسب الك حساب في كل شوط تحضره

وهل تصاريح السعه كلهم ما نافسوك
ما تجرو يوم قاع الميادين اسعره

من قدم منهم تخلي طموحه هيدروك
لين ياتي في جبينه من الارض اغبره

لين عقب امراهم الي مواصل جنبوك
كل ماطيحت واحد يطيحون اعشره

فزت بالبيرق وهم مع جماهير الشبوك
كنك اتقول الهم الذل ما فيه اثمره

نحمد الله نكسب العز والراي محبوك
وان حضرنا نفرض الهيمنه والسيطره

نلطم الاشواط ونصافح عيال الملوك
والخصيم الى تبين لنا اندق انحره