Скачать или смотреть აჭარის მთავრობის თავმჯდომარე ბიზნესის წარმომადგენლებს შეხვდა

აჭარის მთავრობის თავმჯდომარე ბიზნესის სფეროს წარმომადგენლებს შეხვდა. შეხვედრას, ადგილობრივ ბიზნესმენებთან ერთად, სპარსეთის ყურის ქვეყნების თანამშრომლობის საბჭოს წევრი სახელმწიფოების წამყვანი დეველოპერული და საინვესტიციო კომპანიების დელეგაციის წევრები ესწრებოდნენ. სულხან თამაზაშვილმა ბიზნესის წარმომადგენლებს სიტყვით მიმართა. შეხვედრაზე აჭარის ფინანსთა და ეკონომიკის მინისტრმა რეგიონის ეკონომიკური განვითარების ხედვა წარადგინა და სტუმრებს აჭარის საინვესტიციო და ტურისტული შესაძლებლობები გააცნო. ყურადღება გამახვილდა მიმდინარე და დაგეგმილ პროექტებზე, ასევე რეგიონში არსებულ ეკონომიკურ ტენდენციებზე. ბოლო ორი წლის განმავლობაში აჭარას ყოველწლიურად დაახლოებით 5 მილიონი ვიზიტორი სტუმრობდა. მხოლოდ 2025 წლის მეორე კვარტალში, რეგიონის ბიზნესსექტორის ბრუნვა 8%-ით, პროდუქციის გამოშვება 11%-ით, დასაქმება 10%-ით, ხოლო საშუალო ანაზღაურება 9%-ით გაიზარდა. ასევე, ზრდის ტენდენცია შეინარჩუნა უძრავი ქონების ბაზარმა და წინა წლის მაჩვენებელს 23%-ით გადააჭარბა.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.