鄭俊弘何雁詩兩歲子患天使綜合症 為罕見病辦慈善音樂會盼增外界認識

鄭俊弘何雁詩兩歲子患天使綜合症 為罕見病辦慈善音樂會盼增外界認識

鄭俊弘 何雁詩 嘅2歲兒子 Asher 不幸確診「天使綜合症」呢個罕見疾病，患有天使綜合症嘅幼童通常會發育遲緩、語言障礙、嚴重功能障礙、智力障礙、癲癇、斜視、吞嚥障礙等問題。面對呢個沉重消息，Fred同Stepe決定積極應對，希望以父母同演藝工作者嘅身份出一分力，令社會大眾加深對天使綜合症嗁認識。佢哋話：「希望籌備一個慈善演唱會，透過音樂呈現罕見病家庭故事，令大家更了解天使綜合症之餘，亦對唔同界別人士更體諒。 」

《Angels within us 天使綜合症慈善演唱會》希望加深公眾對「天使綜合症」嘅認識，減少大眾誤解，亦促進更多人關心同支持患者同家人。亦希望凝聚社區，連繫各階層嘅平台，令外界共同關心同支持患者。促進人同人之間嘅連結，營造一個溫暖、關愛、同共融嘅氛圍。

音樂會門票所得收益將將全數撥捐予3個受惠機構，以支持「香港天使綜合症基金會」運作、國際機構「F.A.S.T.」嘅科研計畫以及「雲彩行動」。

慈善演唱會將於 2024 年 7 月 7 日(星期日)假戲曲中心大劇院舉行,榮幸邀請到幾位義不容辭的演出單位,包括:音樂總監 Johnny Yim(嚴勵行),歌手蘇永康、方力申、JW 王灝兒、小肥以及 RegenC。

阿Fred同Step話：「感激大家鼓勵同支持，除咗我哋一家以外，仲有好多罕見病患者同佢哋家庭嘅聲音等待被聽見。希望終有一日大家都能無所顧慮企出來，令罕見能被看見。」

門票6月6日(星期四) 起於戲曲中心售票處、網上同電話購票熱線公開發售。

《Angels within us 天使綜合症慈善演唱會》
日期:2024 年 7 月 7 日
時間:7:15pm
地點:戲曲中心
發起人:鄭俊弘/何雁詩
表演單位:蘇永康、方力申、JW 王灝兒、小肥、RegenC. 以及 Johnny Yim

#天使綜合症 #AngelsWithinUs #慈善演唱會 #鄭俊弘 #何雁詩 #Asher #蘇永康 #方力申 #王灝兒 #小肥 #RegenC #JohnnyYim
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0