مصطفى سيد أحمد-عينيك مدن-عود تسجيل من كاسيت

كلمات: صلاح حاج سعيد

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
ممدود على حرف الكتابة
مكتول عنا ومكدود صبابة
وفيهو حط النيل سكن
عينيك سفر مكتوب أعيش فى غربتو
وأعشق عذابو وحرقتو
وليلو الطويل
إتخيلك ياحلوة زى نسمة سحر
جيتى ومعاك حلمى المطول منتظر
وعدو الجميل
عشقك زمان جواى رحل
إتناهى فى الأعماق أمل
ضمخ رؤاى إحساس نبيل
أزهل طيوف خاطرى القبيل
جاشت ملامح روعتو
وضج السكون فى وحشتو
والكان أمل فى عيونى لاح
ذوب مدارات فرحة الوهج النضير المزدهر بالإرتياح
فجأة إنحصد قبضة رياح
وسكت الكلام ياحلوة
فى القول المباح
وغاب الصباح بعدك رحل
والكان أمل فى غيم سماي
أيقنت إنو عدم بلاك ٠
وإنك قدر ٠
وإنو البيحلم بى علاك
إختار ظروف أحلاها مر
عينيك لو تصدق معاى الأمنية
عينيك لو تعرف ختام الأغنية
بدء الكلام والمنتهى
والمستطاب والمشتهى
وكل المباهج الفى المواويل والغنى
والعاشقيك قلبى وأنا
هزتنا فى عينيك تصاوير المنى
يا أمنيات من كم سنة
ويا أغنيات كل الأماسى
المستحيلة وممكنة
المستحيل عينيك تهون
المستحيل قلبك يخون
الغدر ماطبع الوفي
والصدق ماشرط إنتفي
وأنا حالى من بعدك كفي
وأنا حالى من بعدك كفي
المغنى والحب والشجن
والوحشة والشوق للوطن
والعمر قبلك ضاع سدى
والعمر بعدك آيه يكون
لو يبقى بحساب الزمن
-uploaded in HD at http://www.TunesToTube.com