"Göyçay yaradıcı görüşlər" Musa Mehdi ( Baba parfüm) 23.08.2023

Göyçay yaradıcı görüşlər silsiləsindən
Musa Mehdi ( Baba Parfüm)

Bu dəfə qonağımız uğur hekayəsi olan bir şəxsdir. Xocalı soyqırımından sonra Ağdam mütəmadi olaraq raket yağışına qərq oldu və qəhrəmanımız ailəsi ilə birgə 28 fevral 1992-ci ildə Ağdamdan Göyçaya köç etdi. O zaman Babanın 17 yaşı vardı. Bəli, qonağımız "Baba" ləqəbli, iş adamı Musa Mehdidir. Ancaq bütün Göyçay ona Baba deyərək müraciət edir. Bunun əsas səbəbi var, bu haqda Baba video çıxışında ətraflı danışacaq. Ancaq qeyd edim ki, Baba Göyçayda uğur düsturu olan şəxslərdəndir. O, 26 il öncə Göyçayda
"Baba Parfüm" brendini yaradıb və böyük çətinliklərlə ətir biznesini bu günlərə daşıya bilib. Babanın özünün də qeyd etdiyi kimi, ilk dəfə Göyçayda "Qastronom" deyilən dükanın qarşısında, böyük çinar ağacının kölgəsində balaca dəmir masa ətrafında xırda-xuruş ətir məhsulları satmaqla iş fəaliyyətinə başlayıb. Baba müharibənin içindən çıxan bir travmalı gənc kimi Göyçayda həyatına sıfırdan başlamışdır. Onun uğur əldə etməyinin sirri ilk növbədə qarşısına qoyduğu məqsəd olub. Baba deyir "nəyəsə başlamadan öncə ilk olaraq sənin məqsədin olmalıdır, daha sonra isə iradən..." Dəyərli Baba həm də Göyçayda xeyriyyəçi kimi də zaman-zaman insanlara dəstək olmaqdan geri qalmayıb. O həm də özünü çox gözəl yetişdirə bilmişdir. Azərbaycan ədəbiyyatının vurğunudur. Sevdiyi yazıçılar Fərman Kərimzadə və İsmayıl Şıxlıdır. Baba Sovet dövründə çəkilən Azərbaycan filmlərini bu gün də sevə-sevə izləyir. Baba haqqında daha ətraflı müsahibəni gün ərzində
"Göyçay yaradıcı görüşlər" səhifəsində izləyə biləcəksiniz.

Müsahibə aldı: Vasif Ayan
Video: Mürsəl Zamanov
Yüklədi: Mürsəl Zamanov
23.08.2023.

#göyçay
#goychay
#göyçayyaradıcıgörüşlər
#vasifayan
#fotoqrafiya