Скачать или смотреть Tota Kahani by Syed Haider Bakhsh Haidri طوطا کہانی از سید حیدر بخش حیدری (Complete Urdu Audio Book)

سید حیدر بخش حیدری کی ولادت کے متعلق کچھ وثوق سے نہیں کہا جاسکتا۔ بس اتنا معلوم ہے کہ دہلی میں پیدا ہوئے۔ فورٹ ولیم کالج کے مصنفین میں سے میرامن کے بعد جس مصنف کو زیادہ شہرت حاصل ہوئی۔ وہ سید حیدر بخش حیدری ہیں۔ دہلی کر بربادی کے زمانے میں حیدری کے والد دہلی سے بنارس چلے گئے۔ فورٹ ولیم کالج کے لیے ہندوستانی منشیوں کا سن کر حیدری ملازمت کے لیے کلکتہ گئے۔ ڈاکٹر گلکرسٹ تک رسائی کے لیے ایک ”قصہ مہر و ماہ“ بھی ساتھ لکھ کر گئے۔ گلکرسٹ نے کہانی کو پسند کیا اور اُن کو کالج میں بطور منشی مقر ر کیا۔ وہ بارہ برس تک کالج سے منسلک رہے۔ 1823ء میں بنارس میں انتقال کر گئے۔
فورٹ ولیم کالج کے تمام مصنفین میں سے سب سے زیادہ کتابیں لکھنے والے سید حیدر بخش حیدری ہیں۔ ان کی تصانیف کی تعداد دس کے قریب ہے جن میں
1)قصہ مہر و ماہ
2)قصہ لیلیٰ مجنوں
3) ہفت پیکر
4) تاریخ نادری
5) گلزار دانش
6)گلدستہ حیدری
7)گلشن ہند
8)طوطا کہانی
9)آرائش محفل
لیکن حیدری کی شہرت کا سبب اُن کی دو کتابیں ”طوطا کہانی“، ” آرائش محفل" ہیں۔ یہ دونوں کتابیں داستان کی کتابیں ہیں جو جان گلکرسٹ کی فرمائش پر لکھی گئیں
”طوطا کہانی “جس طرح کے نام سے ظاہر ہے کہ یہ کتاب مختلف کہانیوں کا ایک مجموعہ ہے جس کی سب کہانیاں ایک طوطے کی زبانی بیان کی گئی ہیں۔ اس کتاب میں 35 کہانیاں ہیں۔ اس میں بتایا گیا ہے کہ ایک عورت اپنے شوہر کی عدم موجودگی میں اپنے محبوب سے ملنے جانا چاہتی ہے۔ طوطا ہر روز اس کو ایک کہانی سنانا شروع کر دیتا ہے اور ہر روز باتوں باتوں میں صبح کر دیتا ہے۔ اور وہ اپنے محبوب سے ملنے نہیں جا سکتی حتی کہ اس دوران اس کا شوہر آجاتا ہے۔ جہاں تک کتاب کے اسلوب کا تعلق ہے تو سادگی کے ساتھ ساتھ حیدری نے عبارت کو رنگین بنانے کے لیے قافیہ پیمائی سے بھی کام لیا ہے۔ اس کے علاو ہ موقع اور محل کے مطابق اشعار کا بھی استعمال کیا ہے۔ طوطا کہانی کی داستانوں میں جابجا مسلمانوں کی معاشرت اور ان کے رہنے سہنے کی بھی جھلک پیش کی ہے۔
حیدری کی دوسری کتاب ”آرائش محفل“ ہے جو اپنی داستانوی خصوصیات کی بنا پر طوطا کہانی سے زیادہ مقبول ہوئی۔ اس کتا ب میں حیدری نے حاتم کے سات مہموں کو قصے کے انداز میں بیان کیا ہے۔ اور اسے فارسی سے ترجمہ کیا۔ لیکن اپنی طبیعت کے مطابق اس میں اضافے بھی کیے ہیں۔ جہاں تک اس کے اسلوب کا تعلق ہے تو زبان میں متانت اور سنجیدگی کے ساتھ ساتھ سادگی اور بے تکلفی بھی پائی جاتی ہے۔ اس میں طوطا کہانی کی طرح جان بوجھ کر محاورات کا استعمال نہیں کیا گیا۔ جبکہ داستان کے نقطہ نظر سے دیکھا جائے تو اس میں وہ تمام لوازمات شامل ہیں جو کسی داستان کا حصہ ہونے چاہیے اس لیے کتاب میں مافوق الفطرت عناصر کی فروانی ہے۔
#Disclaimer: This YouTube channel National Audio Library for the Blind/NALOB has been made by us for the different type of written but recorded content. Our purpose is to provide fast and secure services to the viewers. We have different type of content like political, historical, Islamic, children stories and love stories etc. our purpose is to implement all type of policies on our channel. We don’t want to violate any policy regarding publishing content on YouTube. Those ideas which have been written in the books of writers these are their own ideas. The National Audio Library for the Blind/NALOB is not involve in any kind of publication. On the other side we are also careful about uploading that content which is related to the security risk. If anyone have objection regarding our content then you are requested to please contact our channel admin via mail (nationalaudiolibrary@gmail.com)
If you want to join us then here is the link of our #WhatsApp group through which you can get excess to our team from anywhere in #Pakistan. https://wa.me/+923214342867