شيلة || سلمولي على اللي - كلمات سفر الدغيلبي - أداء خالد آل بريك

#شيلات2019
🎧 شيلة || سلمولي على اللي
"
"
🖊️ كلمات || سفر الدغيلبي
"@safersaad1
"
🎤 أداء || خالد آل بريك
"@k_aldosssri⁩
"
#قناة_المرقاب #شيلة #غزلية #شيلات #قصائد #شعر

سلمولي على اللي غبت عنه وغاب عني وطال الغياب
راعي الغيبة المتعمدة يدري وانا ادري عن اسبابها

ماحصل بيني وبينه خلافن يجلب الشك والارتياب
أربع سنين عشرتنا نزيّن وضعها وانتهنّا بها

اشهد انا قضينا لذة العمر وصفى الجو والانس طاب
انتصفح قصايد قيس في محبوبته وانتسلاّ بها

مابقى الا لعشاق الغرام اللي بعدنا نولّف كتاب
فيه زبدة تجاربنا وتعليمات الاحباب وآدابها

قصةٍ واقعية لو تورّخ حنّت الها قلوب الركاب
وانثرت دمع زمل البدو ، ولاّ عدلت عوجة ارقابها

والكلام الحقيقي تجربتنا جامعه للخطا والصواب
وابرز عيوبها يوم الليال السود مانحسب حسابها

نحسب ان النعيم يدوم في ظل الطرب والغياوالشباب
لونصحني حكيم وقال فكّر قلت كلمتك وش جابها

حطت افكار طيشي في يديني رمح عنتر وشلفا ذياب
وأزعم اني لو أحارب جيوش الروم لاافرّق احزابها

قدّر الله وآشاء في ظرف ساعة واصبح الشاش ريشةغراب
والخطا مايرجّع والامور قشورها تفسد ألبابها

والتغلي جذب معه الجفا لين انفتح للمشاريه باب
والمشاريه والعزة بالاثم تطول ماينقفل بابها

ثم لقيت الجزا بالمثل من جنس العمل لين شان الجناب
هو حداني على الفرقا وانا كفنت ذكراه بثيابها

يرحمك راحم الاموات ياحبً تهايل عليه التراب
مابقى فيك عرقن ينبض الاّ ذِكر الاحباب لااحبابها

أعلن الاعتراف انك ختام الحب وانك نعيم وعذاب
والتجارب مثل هاذي تراها تبطي الايام بانجابها

مالي الا اتناسى السالفه واكثّر الصبر والاحتساب
واعتبرها رميم عظام ولاّ ديرةٍ ماتوا اصحابها

واتجاهل ذعاذيع النسيم الشرقي وحادرات السحاب
واتعوذ من الشيطان وامسك دمعة العين فاهدابها
لا تنسي ان تُفعل زر الجرس بعد الاشتراك بالقناة لكي يصلك اشعار بكل فيديوهات القناة. وتضغط زر لايك اذا اعجبك الفيديو وتترك لنا تعليق بالاسفل
==================================
تردد قناة المرقاب الفضائية على قمر صناعي نايلسات 12015 عمودي معامل تصحيح 5/6 معدل ترميز 27500
البث المباشر الحصري لقناة المرقاب الفضائية http://ow.ly/ekNU30gDYrM
لمتابعة المزيد:- يرجى الإشتراك في القناة على الرابط | http://ow.ly/BJmHl
تابعونا على منصاتنا في مواقع التواصل الاجتماعي
snapchat:@almergabtv حسابنا بسناب شات
twitter |   / tvmergab  
Instagram |   / mergabtv  
Facebook |   / almergabtv