Υπεραγία Θεοτόκε, σώσον ημάς
Πολλοίς συνεχόμενος πειρασμοίς,
πρός σέ καταφεύγω, σωτηρίαν επιζητων.
Ώ Μήτερ του Λόγου και παρθένε,
των δυσχερών και δεινών με διάσωσον.
Υπεραγία Θεοτόκε, σώσον ημάς
Παθών με ταράττουσι προσβολαί,
πολλής αθυμίας, εμπιπλώσαί μου την ψυχήν,
ειρήνευσον, Κόρη, τή γαλήνη,
τή του Υιού και Θεού σου, Πανάμωμε.
Δόξα..
Σωτήρα τεκούσάν σε και Θεόν,
δυσωπώ, Παρθένε, λυτρωθήναί με των δεινών,
σοί γάρ νυν προσφεύγων ανατείνω
και την ψυχήν και την διάνοιαν.
Και νύν Αμήν.
Νοσούντα τό σώμα και την ψυχήν,
επισκοπής θείας και προνοίας τής παρά σού,
αξίωσον, μόνη Θεομήτορ,
ώς αγαθή αγαθού τε λοχεύτρια.
Υπεραγία Θεοτόκε, σώσον ημάς
Προστασίαν και σκέπην ζωής εμής τίθημι,
σε θεογεννήτορ παρθένε,
σύ με κυβέρνησον, πρός τόν λιμένα σου,
των αγαθών η αιτία, των πιστων τό στήριγμα,
μόνη πανύμνητε.
Υπεραγία Θεοτόκε, σώσον ημάς
Ικετεύω, παρθένε, τόν ψυχικόν τάραχον
και τής αθυμίας την ζάλην,
διασκεδάσαι μου, σύ γάρ, Θεόνυμφε,
τόν αρχηγόν τής γαλήνης,
τόν Χριστόν εκύησας, μόνη πανάχραντε.
Δόξα
Ευεργέτην τεκούσα, τόν των καλών αίτιον,
τής ευεργεσίας τόν πλούτον,
πάσιν ανάβλυσον, πάντα γάρ δύνασαι,
ώς δυνατόν εν ισχύϊ,
τόν Χριστόν κυήσασα, θεομακάριστε.
Και νύν Αμήν
Χαλεπαίς αρρωστίαις και νοσεροίς πάθεσιν,
εξεταζομένω, Παρθένε, σύ μοι βοήθησον,
των ιαμάτων γάρ ανελλιπή σε γινώσκω,
θησαυρόν, πανάμωμε, τόν αδαπάνητον.
Διάσωσον από κινδύνων τους δούλους σου, Θεοτόκε,
ότι πάντες μετά Θεόν εις σέ καταφεύγομεν,
ώς άρρηκτον τείχος και προστασίαν.
Eπίβλεψον εν ευμενεία, πανύμνητε Θεοτόκε,
επί την εμήν χαλεπήν του σώματος κάκωσιν
και ίασαι τής ψυχής μου τό άλγος.
Υπεραγία Θεοτόκε, σώσον ημάς
Tών παθών μου τόν τάραχον,
η τόν κυβερνήτην τεκούσα Κύριον
και τόν κλύδωνα κατεύνασον
των εμών πταισμάτων, θεονύμφευτε.
Υπεραγία Θεοτόκε, σώσον ημάς
Ευσπλαγχνίας την άβυσσον
επικαλουμένω τής σής παράσχου μοι,
η τόν εύσπλαγχνον κυήσασα
και σωτήρα πάντων των υμνούντων σε.
Δόξα
Απολαύοντες, Πάναγνε,
των σών δωρημάτων ευχαριστήριον,
αναμέλπομεν εφύμνιον, οι γινώσκοντές σε θεομήτορα.
Και νύν Αμήν.
Η ελπίδα και στήριγμα
και τής σωτηρίας τείχος ακράδαντον,
κεκτημένοι σε, πανύμνητε,
δυσχερείας πάσης, εκλυτρούμεθα.
Υπεραγία Θεοτόκε, σώσον ημάς
Έμπλησον, Aγνή, ευφροσύνης την καρδίαν μου,
την σήν ακήρατον διδούσα χαράν,
τής ευφροσύνης η γεννήσασα τόν αίτιον.
Υπεραγία Θεοτόκε, σώσον ημάς
Λύτρωσαι ημάς, εκ κινδύνων, Θεοτόκε αγνή,
η αιωνίαν τεκούσα λύτρωσιν
και την ειρήνην την πάντα νούν υπερέχουσαν.
Δόξα
Λύσον την αχλύν των πταισμάτων μου,
θεόνυμφε, τώ φωτισμώ τής σής λαμπρότητος,
η φώς τεκούσα, τό θείον και προαιώνιον.
Και νύν Αμήν.
Ίασαι, αγνή, των παθών μου την ασθένειαν,
επισκοπής σου αξιώσασα
και την υγείαν τή πρεσβεία σου παράσχου μοι.
Υπεραγία Θεοτόκε, σώσον ημάς
Θανάτου και τής φθοράς ώς έσωσεν,
εαυτόν εκδεδωκώς τώ θανάτω,
την τή φθορά και θανάτω μου φύσιν κατασχεθείσαν,
Παρθένε, δυσώπησον,
τόν Κύριόν σου και Υιόν,
τής εχθρών κακουργίας με ρύσασθαι.
Υπεραγία Θεοτόκε, σώσον ημάς
Προστάτιν σε τής ζωής επίσταμαι
και φρουράν ασφαλεστάτην,
παρθένε, των πειρασμών διαλύουσαν
όχλον και επηρείας δαιμόνων ελαύνουσαν
και δέομαι διαπαντός,
Εκ φθοράς των παθών μου ρυσθήναί με.
Δόξα
Ως τείχος καταφυγής κεκτήμεθα
και ψυχών σε παντελή σωτηρίαν
και πλατυσμόν εν ταίς θλίψεσι,
κόρη και τώ φωτί σου αεί αγαλλόμεθα.
Ώ δέσποινα και νυν ημάς, των παθών
και κινδύνων διάσωσον.
Και νύν Αμήν.
Εν κλίνη νυν ασθενών κατάκειμαι
και ουκ έστιν ίασις τή σαρκί μου,
αλλ η Θεόν και σωτήρα του κόσμου
και τόν λυτήρα των νόσων κυήσασα,
σού δέομαι τής αγαθής,
εκ φθοράς νοσημάτων ανάστησον.
Διάσωσον από κινδύνων τους δούλους σου,
Θεοτόκε, ότι πάντες μετά Θεόν
εις σέ καταφεύγομεν,
ώς άρρηκτον τείχος και προστασίαν.
Άχραντε, η διά λόγου
τόν Λόγον ανερμηνεύτως,
επ εσχάτων των ημερών τεκούσα δυσώπησον,
ώς έχουσα μητρικήν παρρησίαν.
Υπεραγία Θεοτόκε, σώσον ημάς
Την ημών σωτηρίαν ώς ηθέλησας, Σώτερ,
οικονομήσασθαι, εν μήτρα τής Παρθένου
κατώκησας τώ κόσμω,
ήν προστάτιν ανέδειξας,
Ο των πατέρων ημών Θεός, ευλογητός εί.
Υπεραγία Θεοτόκε, σώσον ημάς
Θελητήν του ελέους όν εγέννησας,
μήτερ αγνή, δυσώπησον,
ρυσθήναι των πταισμάτων,
ψυχής τε μολυσμάτων,
τους εν πίστει κραυγάζοντας,
Ο των πατέρων ημών Θεός ευλογητός εί.
Δόξα
Θησαυρόν σωτηρίας και πηγήν αφθαρσίας
την σέ κυήσασαν και πύργον ασφαλείας
και θύραν μετανοίας,
τοίς κραυγάζουσιν έδειξας,
Ο των πατέρων ημών Θεός, ευλογητός εί.
Καν νύν Αμήν.
Σωμάτων μαλακίας και ψυχών αρρωστίας,
θεογεννήτρια, των πόθω προσιόντων
τή σκέπη σου τή θεία,
θεραπεύειν αξίωσον,
η τόν σωτήρα Χριστόν ημίν αποτεκούσα.
Τους βοηθείας τής παρά σού δεομένους μή παρίδης,
παρθένε, υμνούντας
και υπερυψούντάς σε, κόρη, εις αιώνας.
Των ιαμάτων τό δαψιλές επιχέεις,
τοίς πιστώς υμνούσί σε, παρθένε
και υπερυψούσι τόν άφραστόν σου τόκον.
Τάς ασθενείας μου τής ψυχής ιατρεύεις
και σαρκός τάς οδύνας, παρθένε,
ίνα σέ δοξάζω την κεχαριτωμένην.
Των πειρασμών σύ τάς προσβολάς εκδιώκεις
και παθών τάς εφόδους, παρθένε,
όθεν σε υμνούμεν εις πάντας τους αιώνας.
Информация по комментариям в разработке