Скачать или смотреть រដ្ឋបាលខេត្ដសៀមរាប រៀបចំវេទិកាផ្សព្វផ្សាយ និងពិគ្រោះយោបល់ នៅស្រុកពួក

រដ្ឋបាលខេត្ដសៀមរាប រៀបចំវេទិកាផ្សព្វផ្សាយ និងពិគ្រោះយោបល់ ដើម្បីស្វែងរកបញ្ហាប្រឈម និងរកដំណោះស្រាយជូនប្រជាពលរដ្ឋ នៅស្រុកពួក

នៅព្រឹកថ្ងៃទី២៤ ខែវិច្ឆិកា ឆ្នាំ២០២៥ រដ្ឋបាលខេត្តសៀមរាប បានរៀបចំវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តសៀមរាប អាណត្តិទី៤ នៅវត្តសសរស្ដម្ភ ស្រុកពួក ក្រោមអធិបតីភាពឯកឧត្តម លី សំរិទ្ធ ប្រធានក្រុមប្រឹក្សាខេត្ត និងលោក លី សារី អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប ដើម្បីផ្តល់ឱកាសដល់ប្រជាពលរដ្ឋក្នុងស្រុកពួក បញ្ចេញមតិយោបល់ និងសំណូមពរ ដោយផ្ទាល់ទៅកាន់ថ្នាក់ដឹកនាំខេត្ត និងក្រុមប្រឹក្សាខេត្ត ដើម្បីពិនិត្យ ឆ្លើយតប និងដោះស្រាយ តាមរយៈផែនការសកម្មភាពរបស់រដ្ឋបាលខេត្ត ដែលកម្មវិធីនេះមានអ្នកចូលរួមប្រមាណ៦៧០នាក់។

ឯកឧត្តម លី សំរិទ្ធ បានជំរុញដល់អាជ្ញាធរស្រុក មេឃុំ មេភូមិ និងកម្លាំងសមត្ថកិច្ចនៅក្នុងមូលដ្ឋានត្រូវគ្រប់គ្រងឱ្យបាននូវសិត្ថិប្រជាពលរដ្ឋខ្លួនដោយផ្ទៀងផ្ទាត់ឱ្យបានត្រឹមត្រូវ ដើមី្បជៀសវាងតួលេខរបស់រដ្ឋបាល និងនគរបាលមិនស៊ីសង្វាក់គ្នា និងបញ្ហាក្មេងទំនើងជាដើម ម៉្យាងទៀតអាជ្ញាធរស្រុកឃុំ ត្រូវក្តាប់ឱ្យនូវរាល់សតិអារម្មណ៍ និងសំណូមពររបស់ប្រជាពលរដ្ឋខ្លួន ដើមី្បសំដៅទៅការលុបបំបាត់នូវភាពក្រីក្រ របស់ប្រជាពលរដ្ឋនៅតាមជនបទ។

ឯកឧត្តមប្រធានក្រុមប្រឹក្សាខេត្ត បានជម្រុញដល់រដ្ឋបាលស្រុក ឃុំ និងប៉ុស្តិ៍នគរបាល ត្រូវបើកយុទ្ធនាការ ក្នុងការបញ្ចប់បញ្ហាការកែតម្រូវ អត្រានុកូលដ្ឋាន និងការធ្វើអត្តសញ្ញាណប័ណ្ណផុតសុពលភាព និងធ្វើឱ្យសម្រាប់អ្នកទើបគ្រប់អាយុ សំខាន់សិស្សានុសិស្ស ជាពិសេសទៅទៀតត្រូវផ្ដោតលើបញ្ហា តម្លៃស្រូវថោក ការបង់ថ្លៃទឹកធ្វើស្រែថ្លៃ និងបញ្ហា ហេដ្ឋារចនាសម្ព័ន្ធផ្លូវថ្នល់ ព្រមទាំងបញ្ហាសន្តិសុខ សណ្ដាប់ធ្នាប់ បរិស្ថាន អនាម័យ និងការអភិវឌ្ឍមូលដ្ឋាន។

ជាមួយគ្នានេះដែរ លោក លី សារី អភិបាលរងខេត្ត មានប្រសាសន៍ថា វេទិកានាពេលនេះ ជាការបើកចំហរក្នុងការទទួលយកមតិយោបល់របស់បងប្អូនប្រជាពលរដ្ឋក្នុងមូលដ្ឋាន ដើម្បីជាកម្លាំងចលករដ៏មានប្រសិទ្ធភាពក្នុងការអនុវត្តនូវយុទ្ធសាស្ត្រអភិវឌ្ឍន៍ មនុស្ស ផ្លូវ ទឹក ភ្លើង និងបច្ចេកវិទ្យា ដែលជាអាទិភាពគន្លឹះរបស់ខេត្ត។

សូមជម្រាបថា វេទិកានាពេលនេះដែរ ក្រុមការងារទទួលបាននូវសំណួរ សំណូមពរចំនួន២៦ ត្រូវបានមន្ត្រីជំនាញធ្វើការស្រាយបំភ្លឺ ក្នុងវេទិកាភ្លាមៗតែម្ដង។

អត្ថបទ និងរូបភាព ៖ លោក ឡៃ បញ្ញា
កែសម្រួល៖ លោក ហាំ ម៉េងហួត