«Այս խոսքը հիշի՛ր...» ♪ (Մինուս)

   • Ays xosq@ hishir, hishir mialar  

Ays xosq@ hishir // Karaoke (Minus)
Hishir aprum es mernelu hamar...
Keyboard | Rebecca Hakobyan

~ Ձեռագիր երգ ~
----------------------------------------------------------------------------------
1. Այս խոսքը հիշի՛ր, հիշի՛ր միալար,
Որ դու ապրում ես մեռնելու համար․
Հիշի՛ր, որ դու էլ մի անցավոր ես,
Հիշի՛ր, որ դու էլ մի հանցավոր ես։
Որի համար դու հաշիվ պիտի տաս,
Որի համար դու անշուշտ պիտի լաս։

Հիշի՛ր աշխարհից մերկ ես գնալու,
Հիշի՛ր, որ կրկին աշխարհ չես գալու,
Որ ընկար՝ դուռդ էլ չեն բացելու,
Որ մարդիկ վրադ կեղծ են լացելու։

Հիշի՛ր, որ հյուր ես դու այս աշխարհում,
Էլ ի՞նչ ես ինքդ քեզ ծափահարում։
Ինչու՞ ես ապրում մեղքով միալար,
Չէ՞ որ ապրում ես մեռնելու համար։/2

2.Բայց մահի թևով սարսափն է սուրում,
Բայց մահից այն կողմ դրախտն է բուրում․
Մարմին պատյանից ելիր ու գնա,
Դրախտի զմրուխտ պարտեզում մնա։
Քո կյանքն այնտեղ է պահված Հիսուսում,
Էլ ի՞նչ ես ներկադ թողնելն ափսոսում։

Կտեսնես այնտեղ Տիրոջը փառաց,
Սիրո կանթեղը Իր ձեռքում վառած։
Կտեսնես այնտեղ Փրկչիդ վերքերը,
Որ պիտի պատմեն Հիսուսի սերը։

Եվ արժե մեռնել այդ սիրո համար,
Բայց մենք մեռնում ենք ապրելու համար։
Իսկ այժմ հիշի՛ր, հիշի՛ր միալար,
Որ դու մեռնում ես ապրելու համար։/2

Այս խոսքը հիշի՛ր, հիշի՛ր միալար,
Որ դու մեռնում ես ապրելու համար։
Իսկ այժմ հիշի՛ր, հիշի՛ր միալար,
Որ դու մեռնում ես ապրելու համար:
----------------------------------------------------------------------------------