It’s Showtime December 3, 2024 | Full Episode

Our stories shine this Christmas, Kapamilya! Pasko na talaga ang feels with the launch of the “ABS-CBN Christmas ID 2024” kung saan tampok ang mga Kapamilya artists at kwento ng mga ordinaryong Pilipino. Napanood n’ya ba ang “It’s Showtime” family na nakiki-spread ng love and cheer for the holidays?

Magsha-shine rin ang mga cuties na give na give sa acting! Sa “Showing Bulilit,” ipapakita nina Argus, Kulot, Imogen, Kelsey at Stephen ang kanilang galing!

Cuteness with hints of kilig ang hatid nina Kulot at Stephen sa isang eksena mula sa “Hello, Love, Again.” Nag-ala Marga Mondragon naman si Kelsey; at may pa-Rachel McAdams acting si Imogen. Si Argus, mala-Gerald Anderson lang naman ang datingan!

Christmas season pa lang, pero with JMielle (JM dela Cerna at Marielle Montellano), pa-Valentines na ang feels! Naka-couple sweater ang dalawa. Tanong tuloy ng ‘Showtime’ family, pinag-usapan ba ‘yan sa ‘late night talk’ nila kagabi? Uy, si Kim Chiu, parang gusto rin ng ka-matchy-matchy!

Tamang-tama ang pagkaka-bake ng happiness and inspiration para sa buong nation! For today’s “And The Breadwinner Is,” ang huhula kung sino ang breadwinner na tindera sa bakery ay walang iba kundi si Sanya Lopez.

Sa unang sulyap at kilatis, si Trabahador 1 agad ang napili ni Sanya dahil kamay at kuko nito’y malinis. Pero, matapos ang nakakaaliw na performances sa aktingan at tagos sa pusong sagot sa isang katanungan, si Sanya, nalito nang tuluyan. Hindi napanindigan si Breadwinnable 1; nabudol sa sagot ni number 2!

Sayang, Sanya! Ang hinahanap na breadwinner na bantay sa bakery ay si Trabahador 1, ang 27-year-old na bagama’t may iniinda sa kalusugan, magpapanggap na walang sakit na nararamdaman para sa pamilyang may pangangailangan. Hahangaan mo ang big-heartedness niya, lalo na sa inang iniwan sila, pero pati kapatid sa ina ay sagot na rin niya.

Ang mga breadwinners, sa sobrang pagmamahal sa iba’y nakakalimutan nang mahalin ang sarili nila. Para ipaalala na sila’y mahalaga, nagpaabot ng pagmamahal at regalo ang ‘Showtime’ sa pangunguna ni Vice Ganda.

Mga pangarap ay ilalaban sa “Tawag Ng Tanghalan The School Showdown.”

“Your time has come,” sabi ni hurado Darren Espanto kay Marie Cris Bongcayao ng Zamboang Del Sur Provincial Government College-Midsalip Campus, na ibinuhos ang puso sa kan’yang pag-awit.

Bukod sa naaliw ang ‘Showtime’ hosts kay Ronaldo Palacio ng Aroroy Municipal College na papasa bilang ‘kalokalike’ ni Diwata, natuwa rin sa performance niya ang mga hurado bagama’t nabilangan siya ng isa. Minsan na pala siyang natulungan ni Vice Ganda na sinagot ang flight niya pauwi ng probinsya. From working as a waiter, ngayon ay balik-eskwela si Ronaldo.

Pero sa huli, si Marie Cris ang nakasungkit ng golden mikropono. Siya ang aabante sa susunod na Prelim round.


#LetsShineShowtime
#ItsShowtimeFullEp
#ABSCBNEntertainment