Скачать или смотреть វីដេអូណែនាំអំពីការប្រើប្រាស់បញ្ជីសៀវភៅអេឡិចត្រូនិកថ្មីរបស់បណ្ណាល័យមជ្ឈមណ្ឌលខេមរសិក្សា

បណ្ណាល័យមជ្ឈមណ្ឌលខេមរសិក្សា មានក្តីសោមនស្ស​ ប្រកាសដាក់ឱ្យដំណើរការជាផ្លូវការ នូវបញ្ជីសៀវភៅអេឡិចត្រូនិកថ្មី​ ដែលត្រូវបានកែលម្អ ដើម្បីផ្តល់នូវមុខងារកាន់តែសម្បូណ៌បែប និងមានភាពងាយស្រួលសម្រាប់អ្នកប្រើប្រាស់។

បញ្ជីសៀវភៅអេឡិចត្រូនិចរបស់យើង ផ្តល់ជូនសាធារណជន នូវការស្វែងរកឯកសារជាច្រើន ដែលផ្តោតទៅលើប្រវត្តិសាស្ត្រ និងវប្បធម៌របស់ប្រទេសកម្ពុជា ព្រមទាំងបណ្តាប្រទេសក្នុងតំបន់អាស៊ីអាគ្នេយ៍ ដែលក្នុងនោះរួមបញ្ចូលទាំងឯកសារបោះពុម្ព និងឯកសារអេឡិចត្រូនិក។ កំណែប្រែនេះ នាំមកនូវបទពិសោធន៍ថ្មីដែលប្រសើរជាងមុនទៅដល់អ្នកប្រើប្រាស់ ដែលមានដូចជា ការស្វែងរកឯកសារមានភាពងាយស្រួល ជម្រើសស្វែងរកដែលមិនស្មុគស្មាញ និងការបង្ហាញព័ត៌មានរបស់ឯកសារ ដែលមានភាពច្បាស់លាស់។ យើងសង្ឃឹមថាការអភិវឌ្ឍថ្មីនេះនឹងផ្តល់ជាជំនួយដ៏សំខាន់ ចំពោះ និស្សិត បញ្ញវន្ត និងអ្នកស្រាវជ្រាវ នៅក្នុងវិស័យសិក្សារបស់ពួកគេ។

លក្ខណៈពិសេសផ្សេងទៀត របស់បញ្ជីសៀវភៅអេឡិចត្រូនិចថ្មី មានដូចជា៖
ការចូលប្រើប្រាស់ និងទាញយកឯកសារអេឡិចត្រូនិក
ការស្នើសុំជាមុនក្នុងការរក្សាទុកឯកសារសម្រាប់ប្រើប្រាស់
ការស្នើសំុឱ្យទិញឯកសារ ដែលពុំអាចរកបាននៅក្នុងបណ្ណាល័យ
ការស្នើសុំថតចម្លងអត្ថបទ
ការបង្កើត និងចែករំលែកបញ្ជីឯកសារ
ការរាយការណ៍ពីបញ្ហាផ្សេងៗដែលពាក់ព័ន្ធនឹងបញ្ជីសៀវភៅ

បញ្ជីសៀវភៅអេឡិចត្រូនិចថ្មីរបស់យើង មានមុខងារសម្បូណ៌បែប សាមញ្ញ និងមានភាពងាយស្រួល។ លោកអ្នកអាចសាកល្បងប្រើនៅទីនេះ​៖ https://library.khmerstudies.org/

មជ្ឈមណ្ឌលខេមរសិក្សា សូមថ្លែងអំណគុណយ៉ាងជ្រាលជ្រៅ ចំពោះជំនួយគាំទ្ររបស់ Equinox Open Library Initiative​ ដែលធ្វើឱ្យការអភិវឌ្ឍន៍ថ្មីនេះ ដំណើរការទៅដោយរលូន។

To watch this tutorial video in​ English, please click here:    • Tutorials and Tips for using the CKS Libra...