САТИРА САРДАРЫ САДЫҚБЕК АДАМБЕКОВТІҢ ТУҒАНЫНА 99 ЖЫЛ

Арыс қалалық С. Адамбеков атындағы жалпы орта мектебіне биыл 50 жыл толды. Сондай-ақ, білім ошағына аты берілген Сатирик, драматург Садықбек Адамбековтың туғанына биыл 99 жыл. Айтулы мерей тойға орай аталған мектеп қабырғасында бірнеше іс-шара өтті. Соның бірі мектеп қабырғасынан С. Адамбековке арналған арнайы сыныптың ашылуы. Айтулы шараға ҚР мәдениет қайраткері Есілбек Бимұрзаев, С. Адамбековтың келіні Оразкүл Ниязқызы, С. Адамбековтың туысы болып келетін Намазбай Баймұратов, Ерсінбек Адамбеков, сондай-ақ Арыс қалалық ардагерлер кеңесінің төрағасы Батырбек Исламбеков, ардақты азамат Расиль Байков сынды ел азаматтары қатысты. Әуелі С.Адамбеков атындағы сыныптың лентасы қиылып, сатира саңлағының келіні Оразкүл Ниязқызы меткеп ұжымына С. Адамбековтың көзіндей болған қос бірдей қыл домбыраны тарту етті. Шара білім ошағының акт залында жалғасты. С. Адамбековтің сахналық туындыларынан жас таланттар арасында сайыс өтті.