Скачать или смотреть რატი იონათამიშვილი ქართული მართლმსაჯულების მიღწევებზე და საერთაშორისო ორგანიზაციების შეფასებებზე

მსოფლიო მართლმსაჯულების პროექტის მიერ, რომელიც არის ერთ-ერთი ყველაზე კომპეტენტური და ავტორიტეული საერთაშორისო ორგანიზაცია, ქართული მართლსაჯულება 8 კრიტერიუმის მიხედვით უმაღლეს დონეზეა შეფასებული. კანონის უზენაესობისობისადმი ერთგულების მხრივ საქართველო რეგიონში არის ლიდერი და აღმოსავლეთ ევროპისა და ცენტრალური აზიის ქვეყნებს შორს იკავებს პირველ ადგილს. ევროპის მასშტაბით კი მეოცე ადგილზეა. სულ ცოტა ხნის წინ, ჩვენ აღვნიშნეთ “მემკვიდრეობის ფონდის” შედეგები, დღეს კი ამ ახალ წარმატებებზე შეგვიძლია ვისაუბროთ. არ დაგვავიწყდეს, რომ ამ პროგრესს ჩვენ ბოლო 5 წლის მანძილზე მივაღწიეთ, რაც არის უპრეცედენტო და დამსახურება ჩვენი ქვეყნის და საზოგადოების.





ჩემი ვალდებულებაა, რომ საზოგადოებას მივაწოდო სწორი და ობიექტური ინფორმაცია, განსაკუთრებით იმის ფონზე, როცა სასამართლო ხელისუფლების წინააღმდეგ მიდის მიზანმიმართული და ბინძური კამპანია, რაც უნდა გვესმოდეს, რომ არის მცდელობა არა მხოლოდ ჩვენი ხელისუფლების, არამედ სახელმწიფო ინსტიტუტების დაკნინებისა და ზიანის მიყენების. სასამართლოს დამოუკიდებლობის ინდექსზე მნიშვნელოვნად არის დამოკიდებული დემოკრატიული პრინციპების, ღირებულებების და საინენსტიციო გარემოს განვითარება.

საქმე გვაქვს რასთან? ერთის მხრივ, მთელი მსოფლიოს დამოუკიდებელი ექსპერტები და ავტორიტეტული ორგანიზაციები საუბრობენ იმ პროგრესზე და აღიარებენ იმ მიღწევებს, რაც ჩვენს ქვეყანას გააჩნია სასამართლო სისტემაში და მეორეს მხრივ საქართველოს პრეზიდენტი, მისი თანამოაზრეები და ის არასამთავრობო ორგანიზაციები, რომელსაც თავისი კონკრეტული პოლიტიკური დღის წესრიგი გააჩნიათ, ცდილობენ ამ ფუნდამენტური სახელწიფო ინსტიტუტის დისკრედიტაციას, რომელი უფრო სანდო და ობიექტურია, ამას დარწმუნებული ვარ, ყველაზე კარგად ისევ ქართველი ხალხი შეაფასებს.

თითოეულ ჩვენთაგანს უნდა გვესმოდეს, რომ დამოუკიდებელი სასამართლო არ არის რომელიმე პოლიტიკური ძალის, პარტიის, ან მოძრაობის საკუთრება, ის ჩვენი ხალხის საკუთრებაა და მისი დაკნინების მცდელობა ადეკვატურად აისახებს იმ ადამიანების პოლიტიკურ მომავალზე, ვისაც საკუთარი ამბიციების განხორციელება ურჩევნია ჩვენი ქვეყნის კეთილდღეობასა და განვითარებას.