Gulîstane Kotîya..?

qese : îbrahîmê Xaşxaşe
qeyde ..: Mürsel Fırat

Seba kê şîîra mi rê qeyde viraşt, Mürsel birayî rê teşekur/sipas keno. Berxudar bo.

---------------

GULÎSTANE KOTÎYA.!?

Veng bide wayî,
Gulîstane kotîya
ci rê sebîyo kifşe nîyo.
Guneka Bawoke toya
bişewekne ti ma rê bîya.
Xizirê kelek û gemîya
Gulîstane candar bîya.

Ma rê bîya, candar bîya
Gulîstane pêyser bîya.
Xizirê kelek û gemîya
be comerdîye ma re bîya.

Sebî to rê, qeyî bêvenga
ti wayîrê roja tenga.
Îbrahîm minete keno to ra
Gulîstane ma rê bîya
Xizirê kelek û gemîya
Gulîstane candar bîya.

Ma rê bîya, candar bîya
Gulîstane pêyser bîya.
Xizirê kelek û gemîya
be comerdîye ma re bîya.

Îbrahîmê Xaşxaşe
Berlin, 30.01.2023

Qese : Îbrahîmê Xaşxaşe
qeyde: Mürsel Firat

* Şîware (Ağıt). seba Gulistan Doku yê