مقتطفات من ابيات محمد الروقي ❤️❤️ ، الابيات مكتوبة تحت بالوصف ⬇️⬇️.

حبيبي وش بلا رجله قصرها
تخلف مع تخاليف الزماني
غرابيله رماني في بحرها
وعيني دمعها عشر وثماني -احمد الناصر الشايع

انادي ياهلي محد يرد
انا روحي من الفرقى خطيره
على اللي بالهوى بيح بسدي
ونفسي ما تبي مخلوق غيره -المشتاق

خل خذاني لا تدرى ولا هاب
سلمت له روحي وانا راضي له
جيشه عيون وخد ورموشه حراب
سيف الهوى من رمش عينه يسله
لا يحسب اني بارخصه عقب ما غاب
طال المدى والا قصر وافي له -سعود بن عبدالله

حلمت باللي هواه حلوم
يصب جمرٍ على أطرافي
أنا احترق يالله المقسوم
وأطفي النار بلحافي -البدر

أشوف لك من وين مارحت ذكرى
ولاشفتها صديت عنها ودنقت
ماكل جرحٍ لاخذا أيام يبرى
بعض الجروح يزيد شره مع الوقت -متعب التركي

يا سيدي والزعل ما كان له طاري
‏رغم اعتذارك وانا من طبعي اسامح
‏خذت الرضى من قبل تسال عن اخباري
‏ما في جروحي عتب لا صرت لي جارح -سعود الفاضل

خل المقادير تمشي مشيها العادي
في عمرنا يفعل الله مانوى فينا
مافادتك دمعتك ماينفع عنادي
لاصار ربي حرمنا من بيعطينا -سعود بن بندر

المحترق قلبه من الشوق يلقاك
ان مالقاله درب يلقى طريقه
واللي يدور عذر ويحب فرقاك
عادي يروح ويتركك في حريقه -عفاس بن حرباش

دنياك حلوه لا تهمك ظنونك
لاخير فيها كان خان القدر فيك
وش نفعها ياقبلة الخلق دونك
ياعلها الزلزال دنيا تبكيك - سعود بند بندر

فدوه عيونك لو غدت روح مغليك
وش عاد لو راحت لعينك عشاير
ابيع ما يغلى على الكون واشريك
واسوم الا جتني علومك بشاير -خالد الفيصل

إستوطن الهوجاس في قلب لازال
يذكر جروح البارحة والألم شين
من شاف هول الغبْ مايامن الجال
ومن فارق الأحباب يستنكر البين -سعود محمد الفيصل

عينت قلبي قليل الفود
مالي خبر فيه وانت ادرى
اليا تذكرك زاد الهود
وان سج في سيرتك هذرا -مساعد الرشيدي

يازين قلبي راح مني يباريك
واصبح مقره بين الاضلاع خالي
بالحلم ياسيد العذارى يناجيك
وبالعلم له وسط الضمير اجتوال -محمد الاحمد السديري

ماقلت لي شي وش خليت ماقلته
اسكت وخل الكلام لجرحي الدامى
لوغيرك اللي يسولف ماتحمّلته
لكن على شان عينك هانت ألامى -متعب التركي

محمد الروقي ، نايف حمدان ، عفاس بن حرباش ، السعودية ، مساعد الرشيدي ، خالد الفيصل ، موحا ، بدر اللامب ، راشد المري ، محمد السكران ، فهد بن فصلا ، اميمة