محمد بن الذيب - اهل بيزنطه

#ابن_الذيب
#محمد_بن_الذيب
#محمد_ابن_الذيب
.
.


بعد ما اصيف فنجران لي يومين
‏يوم في راس ضلع ويوم في واحه

‏باخذ اسبوع بين الوادي ويبرين
‏نفسي من الغلا والشوق نضاحه

‏وابشرو وابشرو .. بـ الخير يا غاوين
‏عند مسرا محدثكم .. ومسراحه

‏انا شاعر هجوسه ضاريه من حين
‏لاخر فـ ترجمة ضيقته وافراحه

خبر اللي مسابيحه ورا العشرين
‏في يدينه صباح وليل لواحه

‏لو تثمن بيوته لجنة التثمين
‏سعرها ما يوصل سعر مسباحه

‏غرر بلحية ابو بيت ابو بيتين
‏لين راحة دعاويهم سمرداحه

‏ما على الساحه من الشاعر المسكين
‏القصيد الحقيقي تارس الساحه

‏من هذا المنطلق طبعاً مهوب مقدين
‏من يذمون جرحي عند جراحه

يوم اعالجه بالتركيب والتلحين
‏شردٍ في سموع الناس صداحه

‏اقنعوني بأن البذره من التين
‏يمكن تجيب غير التين تفاحه

‏ومستعد اني اعاهدكم من الحين
‏هاجسٍ قافه يزعل تبجاحه

‏بخلي مراحه من اللي قشرها شين
‏عاد يا كثرها كثراه فـ مراحه

‏والفضل فضلك ورحماك ثم امين
‏كل باب مقفل معك مفتاحه

دارة الحرب وسط اوكرانيا والصين
‏مستعده ثرى تايوان تجتاحه

‏وبين زلنسكي المتبلش وبوتين
‏في واحد ما ندري وشهي ارباحه

‏ما يثور سلاحه غير في الادنيين
‏لعنة الله على من ورد سلاحه

‏من غدا حبحبه قفت به السكين
‏شلتحها واحدٍ عجلاً فشلتاحه

اهل بيزنطه يعرفون قسطنطين
‏وابن ثايب يعرفونه هل الباحه

‏لو ما هي ديرةٍ لـ معرب الجدين
‏ذكره ينوب واهل العرف لماحه

‏قالو القدر ما يركب على ثنتين
‏قلت يركب على ثنتين بالراحه

‏عرض الوصله اللي بين تيك وبين
‏تيك وارتح وخل الناس مرتاحه
.
.

لا تنسى الاشتراك فـ القناة♥️
لايك 👍🏻 .. وتفعيل الاشعارات 🔔
.
للتنسيق والإعلان في القناة
التواصل عبر حساباتنا ⬇️
.
فلاح بن ملبز | فـ التواصل الاجتماعي ⬇️
‏https://reachnetwork.co/f_almlbz