Скачать или смотреть NIMWISANGE BY UMUYANGE LEGACY

NIMWISANGE ni uruvyino rw'Ikirundi ruri mu mudiho w'Ikirundi witwa Amayaya, bivugwa ko watambwa mu ntara kama y'Umugamba. Iyo ntambo y'Amayaya yatambwa n'abigeme yamara abahungu barashobora kwitiza uwo mudiho maze bakabijanisha n'intambuko z'intambo yitwa Umuyebe yoyo yatambwa mu ntara kama y'Imbo.

NIMWISANGE
_______________

Icitabirizo: Nimwisange aha mwahagemye ni kwa mukunzi w'irivyara, ni kwa kamwemwe kadaseswa, erega ni aha mwahagemye, nimwisange aha mwahagemye.


1. Mukidugana umuhora, mwikoreye ishishiro mwanashajije, duca dutangura kubagomwa, umunezero urongerekana, bashitsi ni aha mwahagemye.

2)Indava ng'izo twashashe n'abakirizi bariteguye, kugirango babakirire iryo shishiro mutuzaniye, bashitsi ni aha mwahagemye.

3)Aho muvyagira twahashashe n'inzimano zirahashika, abateretsi bacu bama bagavye murasomera kumuseso, erega ni aha mwahagemye.


4)Mutama wacu ariteguye n'ikiyago muraronka, murayaga mutere abiri, munabigomye murinjore, erega ni aha mwahagemye.

5)Ehe n'umuyange wagashitse kugirango ubateramishe, urabavyinira muryoherwe, munabigomye mukanyukure, erega ni aha mwahagemye.


Ibikorwa
___________

1. Umwanditsi w'uruvyino: NISENGWE Thierry.

2. Uwivuze amazina: Nimpagaritse Emmanuel.

3. Igicapo c'amasanamu: MWĚNIMÂNA.

4. Uwafashe yongera ahinyanyura amasamu: VYANYUMA SCHADRACK.

5. Umuhinyanyuzi w'amajwi: MASTERKEY.

6. Imyambarwa: Umuyange Legacy

7. Ibibanza: Musée vivant de Bujumbura&Ecofo du Jardin Public.

Kubw'ubuntu Imana mushobora vyose yagiriye Umuyange Legacy, turashimiye bimwe vy'umwihariko abitanze batiziganya kugira ngo uruvyino nk'uru rushikire abakunzi b'imico n'akaranga vy'Uburundi.
Nta rindi teka tuzama duharanira uretse ukubashimisha✍️