Lim Toys 1/12 RPD Officer Leon Kennedy Bio Evil 2 里昂甘迺廸 生化危機 惡靈古堡 S版 2024年再版

有A版同S版, S版配件多, 原本無諗住買, 但網上見到, 個 figure 好神似, Leon 個頭雕好掂好似，
件服飾啲細節位好靚, 尤其想要果把噴火槍同火箭炮, 因為佢地都跟埋特效件, 尤其把噴火槍, 件特效件超精緻超神似, 尤其啲火燄, 直頭好似噴緊出嚟咁, 未見過咁靚既配件, 仲有個打字機呢, 神似到極點加埋啲紙上面打既字, 既然有靚女, 又點少得一個帥哥, 而呢個帥哥著套制服係勁型, 反而唔係咁喜歡佢著便裝, 但女既 Neil 著便裝就性感好睇, 而且一個無制服一個有會有唔同既花樣較多既造型, 所以咁配搭唔錯, 嚟緊 Neil 都會出制服版, 但無訂, 便服版巳經係最靚同足夠了, 尤其係佢跟既配件。

呢套野買佢當然因為佢配件超多, 呢隻 figure 應該兩年前出左, 睇過好多隻 Leon, Nwtoys, Patriot Studio, 始終覺得呢隻連埋啲配件係最靚既, 好彩今年佢出再版, 唔係炒價又過千, 而家大把貨, 尤其係淘寶, 去到年尾都仲有新一批貨, 有買就襯手, 估計呢隻唔會炒得起, 因為 Lim Toys 會出再版。

呢啲副廠 figure, 質素算係咁, 細節位造足比你, SHF 同 Mafex 都唔會做到場呢種細節既程度, 只係關節位嘛嘛, 右手手掌無法拔出, 最後搞到關節都斷埋, 所以你見影片中拍到後半係無左右手掌, 咁啲武器未唯有用左手渣住先, 都係無咩分別, 當然唯一唔好係枝火箭炮要壓住個對講機, 同埋枝火箭炮既瞄準器係要放右手先似樣, 咁先會對住隻眼, 但放左手即係唔用瞄準器就咁發射囉。

而家諗下要整返個右手掌關節位, yeah 係係拳頭到羅返粒膠啲出嚟, 再用焊接膠痴返上個關節位到, 但到而家都羅唔出, yeah 係搵模型件自制個球型端再痴上關節位到, yeah 係係而家其他1/12 figures 既手到羅個關節位出嚟代替, yeah 係係網上買返呢啲1/12 關節位, 但唔見有, 緊係啲膠件都唔值錢, 無咩人賣, 但就好有需求, yeah 係買隻 1/12 shf figures, 100 蚊到一隻既, 或淘寶買隻幾十蚊既素體, 羅佢手掌關節位代替, 唉, 暫時擁有一個斷掌 Leon, 掌比疆屍咬甩左佢右手掌先。

終於明白點解撩唔倒出嚟, 開返左手掌望個關節, 原來係柱體去到最邊端先係球體, 即係唔切開個手掌無可能羅返個關節碎片出嚟, 但又終於比我搵到件件可以係邊到買, 只有台灣同日本有, 可惜暫時又無figures 要係果兩邊買, 唔係順便幾乎就唔需要咩運費, 哈哈, 啱啱係淘寶搵到, 有救喇, 唉, 再睇清楚度清楚, 原來係 4mm joint, 只有日本同台灣既啱, 仲有 Lim Toys 呢隻關節兩邊柱型直徑完全唔同, 雖有用泥膠搞先可以入到手前肢位。

最簡單既方案, 一野就搞掂, 羅盒砌完既 Tomytech Little Armory 既模型, 模型框未好多一條條既枝, 搵條枝差唔多直徑既, 然後用鉗係咁鉗幼佢, 然後插入手掌, 另一邊插入手前肢, 暫時可以安返個手掌落去, 起碼睇落唔會斷掌先, 個手掌一樣可以自由轉動, 因為只係一條軸插入兩邊窿到, 當然之後會買返個手掌 ball joint, ball 直徑 4mm, 軸真徑 2mm 左右。

收左咁多隻 1/12 figures, 真係多謝一隻 SHF 既蟻人, 跌到落百幾, 咁抵緊係買啦, 但買完覺得一隻咁孤單需要伙伴陪伴, 跟住係咁掃 marvel, 再掃 dc, 再掃其他靚既 figures, 只係儲左11個月到, 掃掃下就搞到今日咁成村人, 所以好多時入坑都係從第一隻開始, 好似第一隻杜拉格斯又起左一村超級撒雅人, 一隻鳥系聮組又起左一村幞臉超人, 要小心第一隻買既新野, 可以令你萬劫不復, 只係好彩個人太揀擇或太挑剔, 唔會咩都立亂買, 買前一定係做左好多功課, 課比幾家。

生化危機, 只收呢兩隻 figures, 收集完成, 嚟 1/12 figures 退坑又近左一步。