香港隊　韋斯活任主教練　隨隊出戰斐濟三角賽

足總周三（28日）召開記者會，宣布聘請曾經執教阿富汗國家隊，以及班加羅爾等隊伍的韋斯活擔任港足主教練，並簽約兩年，他將於9月初隨港隊赴斐濟出戰三角賽。

將於8月31日滿48歲的韋斯活，球員時期出身自曼聯青訓，曾效力錫周三及巴拉福特等英格蘭球會，退役後試過執教阿富汗國家隊及印度球會班加羅爾等隊伍，其中這位英格蘭籍主帥曾替班加羅爾，兩度奪得印度超級聯賽冠軍。

日前才抵港的韋斯活，在記招完結後接受訪問時表示，盼望能夠協助港隊進步：「睇番港隊之前啲比賽，其實港隊對住伊朗等強隊，都唔係完全冇得打，希望我可以運用之前帶阿富汗嘅經驗，帶領港隊踢得更好，提升世界排名。」

港隊剛於周一（26日）公布赴斐濟出戰三角賽的決選名單，韋斯活強調自己未有參與點兵，但依然會以主教練身份隨隊到當地備戰，惟領軍重任暫時落在教練團成員盧斯爾身上：「始終我啱啱到埗，需要少少時間熟悉班球員，所以我會喺9月同港隊去斐濟參加三角賽，但唔會落手帶住，一旦盧斯爾有需要，我都會畀意見。」

至於足總主席霍啟山，則稱由於韋斯活有帶領不同聯賽隊伍，甚至國家隊的經驗，相信對方能夠帶領港隊繼續發展：「韋斯活喺歐洲同亞洲足協，都攞到Pro License（專業教練牌照），又帶過唔同聯賽隊伍同國家隊，相信佢嘅經驗幫到港隊手。」「霍生」又提到港隊在9至12月，皆有「東亞盃」外圍賽等國際賽應付，盼對方與球隊員順利磨合，展現新踢法。
------------------
香港隊　擬11月主場鬥菲律賓毛里裘斯

足總周三（28日）於香港足球會為2024至25球季召開記者會，會上除公布9月斐濟三角賽的直播詳情，並提到即將落實在11月國際賽期，主場先後與菲律賽及毛里裘斯交手。

早前正式上任足總總幹事的張炎有透露，即將落實在11月坐鎮主場，先後與菲律賓及毛里裘斯友賽，以便為未來港隊再挑戰「亞洲盃」決賽周作準備：「菲律賓同毛里裘斯都覆咗，可以同香港踢友賽，只要處理完手續，就可以正式落實；我哋搵啲水平差唔多，甚至排名較高的球隊友賽，測試我哋嘅能力，希望將來可以成日喺『亞洲盃』決賽周出現。」

另外，足總主席霍啟山提到，香港12月主辦的東亞足球錦標賽外圍賽，確認選用旺角大球場、香港大球場、小西灣運動場三個本地球場作賽。足總總幹事張炎有補充，將視乎啟德體育園的落成情況，再決定會否作為副場，詳情有待9月中正式落實：「我哋會做好兩手準備，考慮到唔同場地嘅可用性，希望可以用埋啟德體育園副場踢，但需要東亞足球協會9月中嚟視察場地之後再安排。」

最後，足總於會上提到，將於近期啟動香港首個亞洲足協專業教練牌照課程（AFC Pro License），以提升本地教練的專業水平，並吸引更多國際教練修讀參與，旨在為香港足球的未來發展打下堅實基礎。

#本地足球 #香港隊 #韋斯活 #我撐本地波 #港超聯 #中銀人壽香港超級聯賽 #睇體
------------------
支持香港運動員，快啲follow埋《睇體》個 IG：  / ontv_sports  

再再訂閱《睇體》個YouTube頻道：https://bit.ly/2lD6cD7