حصرياً|شيلة أنأ مشتاق ياشبوة|جديد المنشد عبيد الدوعني|كلمات الشاعر احمد الجساري|حصري أبوراكان المشجر

#جــدييــد_وحــصـــري
#شيلة_شبوانية
#أنا_مشتاق_ياشبوة
#كلمات_الشاعر
#أحمد_الجساري
#أداء_الـمــنــشـد
#عبيد_الدوعني
#عازف_المزمار
#خميس_عايض
#مونتـاج_واشراف
#ابوراكان_المشجري

أنا مشتاق ياشبوه وشوقي خص به حبان
ديار العز والنخوه وشبوه قولها أفعال

ولقد يوم بنساها وكيف أنسى وأنا ولهان
وكل ليله وكل ساعه يجيني ذكرها فـ الحال

تركني الوقت بالغربه ولا أنا منها خسران
أحاول كثر ماأقدر أقاوم لو زمنها طال

صبرت وقول كل مره قليل وتنجلي لحزان
وكن الهم في قلبي نصب خيمه وشد حبال

وذقت المر في الغربه وشبت داخلي نيران
ونار الشوق ماتطفى ولا يخفف لهبها مال

وعاد البعد يكويني وكياته بلا حسبان
ذبحني الشوق للديره وحملي زاد بالأثقال

أنا مفقد لها فقد الأسير الي رجع فرحان
وفقد الي قضى وقته سجين وتنفتح لقفال

أنا حنيت ياخوتي وقلبي حن للوديان
وكمن جيد فاقدله وفقدي بايهد جبال

فراق الخل من خله ولا هيه فرقت الأوطان
وأنا من دونها شبوه ضعيف وفاقد الأمال

غبوني غبنت المسجون دي طول به السجان
ولاهوه قد عرف يخرج ولاهوه مستريح البال

وماحد له سوا ربه ويدعي ياعظيم الشان
تفرج هم دي يدعي ويشكي من وجع لازال