ភិក្ខុវនវាសីនិមន្តចូលព្រៃអាស្រម

(11)ភិក្ខុធម្មវនវាសី ព្រះចៅអធិការវត្តចន្ទប្បជោត្តនារាម ហៅអាស្រមតាសុត ខេត្តកំពង់ឆ្នាំង ពិតជាគួរជាទីជ្រះថ្លាណាស់
ព្រះអង្គជាព្រះសង្ឃបានសិក្សានូវគន្ធធុរ និងវិបស្សនាធុរ ដែលជាធម៌ត្រាស់ដឹងរបស់ព្រះសម្មាសម្ពុទ្ធ លោកធ្លាប់និមន្តធុតង្គក្នុងព្រៃស្ងប់ស្ងាត់តែមួយអង្គឯង ដោយមិនខ្លាចឧបសគ្គ ឆ្លងកាត់ការលំបាក បានជួបនិងឃើញ អាស្រ័យនៅជាមួយពួកអមនុស្ស ទេវតា បីសាច់ ខ្មោច ព្រាយ រហូតលែងខ្វល់ពីឋានតួនាទី និងលាភសក្ការៈផ្សេងៗ
ក្នុងលោកកសន្និវាសយើងនេះមានរឿងជាច្រើនដែលយើងត្រឹមតែដឹងលឺហើយប្រកាន់យក។ លោកម្ចាស់១រូបនេះលោកជាព្រះសង្ឃសមាទានធុដុង្គ លោកមិនបានអួតអាងខ្លួនថាជាអ្នកខ្លាំងពូកែអ្វីនោះទេ រឿងបុណ្យបារមីអ្វីនោះទៀតសោតក៏លោកមិនបានអួតដែរ ប៉ុន្តែគួរឱ្យអនិច្ចាសម្រាប់បុគ្គមិនមានសេចក្ដីខ្លាចបាបនិងខ្មាសបាបមួយចំនួនខំបំប៉ោង ខំបំភ្លៃ ដើម្បីឱ្យមានការប៉ះពាល់ទៅដល់សតិអារម្មណ៍បរិស័ទអ្នកជ្រះថ្លាក្នុងពុទ្ធសាសនា ព្រោះតែបាយបីពេលនិងហេតុផលមិនល្អផ្សេងៗនាំឱ្យមនុស្សហ៊ានបំប៉ោងរឿងមិនពិត ។
ហើយមានញាតិញោមខ្លះទៀតរហូតគិតថាលោកបែបចឹងបានគួរឱ្យគោរពជ្រះថ្លាធ្វើបុណ្យជាមួយ លោកដែលមានកុដិល្អៗអាស្រ័យនៅមិនបានចូលទៅបដិបត្តិក្នុងព្រៃមិនគួរឱ្យជ្រះថ្លានិងធ្វើបុណ្យជាមួយសោះ មិនមែនច្រណែន មិនមែនខឹងស្អប់ ប៉ុន្តែចង់ប្រាប់ញោមញាតិមួយចំនួនខ្លះថា ក្នុងពុទ្ធសាសនាព្រះសម្មាសម្ពុទ្ធទ្រង់អនុញ្ញាតិដល់ភិក្ខុទាំងឡាយថា ភិក្ខុក្នុងសាសនានេះកិច្ចឬភារះបដិបត្តិមានពីរគឺ គន្ធធុរ: និងវិបស្សនាធុរ: កិច្ចទាំងពីរនេះបើភិក្ខុជ្រះថ្លាក្នុងកិច្ចមួយណាចូរធ្វើនិងកាន់យកកិច្ចមួយនោះចុះ ដូច្នេះព្រះសង្ឃមានកិច្ចទាំងពីរនេះកិច្ចណាមួយដែលលោកសមាទានកាន់យកញាតិញោមបំពេញបុណ្យជាមួយលោកគឺបានបុណ្យដូចគ្នា។ ចឹងទេឈប់មានគំនិអវិជ្ជមានមួយចំដែលទាំងព្រះសង្ឃនិងញោមញាតិខ្លះគិតទៅលើលោកចូររសាយចុះ មួយទៀតខ្លះក៏គិតថាម៉េចស្រុកខ្មែរម៉េចក៏សម្បូរអ្នកមានបុណ្យម្លេះ នេះមកពីគ្រាន់តែលឺហើយជឿដោយមិនបានត្រិះរិះពិចារណាឱ្យបានល្អិតល្អន់ថាចឹងមែនអត់ បុគ្គលបោកប្រាស់ និងបុគ្គលពិតប្រាកដចេញមកគឺខុសគ្នា។