Saatlıda istehsal edilən biyan balını şəkərli diabetlər də yeyə bilər – APA TV

#APATV #apaxeber #apaxəbər #apatvxəbər #apaxeberler #apa #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #sondeqiqe #sonxeberlerbugun2024 #gundemxeber #apagündəm

Saatlıda istehsal edilən biyan balını şəkərli diabetlər də yeyə bilər – APA TV

Bu il Azərbaycanda ötən ildən fərqli olaraq bol biyan balının istehsalı gözlənilir. Biyan balının əsas məskənini Saatlı rayonu hesab etmək olar. Çünki burada biyan bitkisi çoxdur.
2022-ci ildə rekord miqdarda olan biyan balı yenidən 2024-cü ildə balının miqdarı 2022-ci ilin rekordunu təzələyə bilər. “Karnika”, “Boz Qafqaz”, “Bakfas” kimi arı ailələri təsərrüfatda bol məhsul götürməyə imkan verir. Karnika cinsindən olan arılar ən çalışqan arı növləridi. Onlar əsasən Saatlı rayonunda yetişdirilir. Bir pətəkdən 80 kiloqrama qədər bal toplamaq olur. Arı standartlarına görə bu çoxdur. Arılar biyan çiçəyindən nektar çıxarırlar. 100 qram bal hazırlamaq üçün bir arı bir milyona yaxın çiçəyi tozlandırmalıdır. Saatlı rayonunda isə biyan qıtlığı yoxdur. Dünyada olan 18-dən çox biyan növündən üçü Saatlıda yetişir. Biyan dərman bitkisidir, xüsusən də kökü. Uroloji xəstəliklərin, bronxial astmanın, artritin müalicəsində istifadə olunur. Onun müalicəvi təsiri jenşendən daha güclüdür. Ondan nektar çıxarmağa gəlincə, arılar həm çiçəkdən, həm də yarpaqdan şirə çıxarırlar. Yeri gəlmişkən biyan balında saxarozanın sıfıra yaxın olduğundan bu balı şəkərli dibet xəstələri də yeyə bilərlər. Saatlı arıçıları biyan balının kiloqramını 30-35 manata satırlar. Yerli sakinlər onilliklərdir ki, onu alırlar, lakin xarici qonaqlar yalnız bir neçə il əvvəl sınaqdan keçiriblər. 2019-cu ildə Yaponiyadan Saatlıya arıçılar gəlib. Yaponiyada dərman bitkilərinin və onlardan hazırlanan məhsulların böyük həvəskarları var. Yaponlar biləndə ki, Saatlıda biyandan bal hazırlanır, buna həvəslə yanaşıblar. Biyan balını çox bəyəniblər. Biyan balını xoşladıqları üçün Saatlıdan 800 kq biyan balı istehlak ediblər.
Ötən il mərakeş çəyirtkəsi biyan bitkisi məhv etdiyindən arıçılar demək olar ki, məhsul götürə bilməmişdi. Bu il isə məhsul bolluğudur. Hətta avqust, oktyabr aylarında da ikinci dəfə məhsul götürmək mümkündür. Artıq arıxanada 80 arı ailəsi bir ton yarımdan çox bal istehsal edib. Məhsulun 2 tona qədər olacağı gözlənilir...
Əlibəy Zeynallı
Elçin Həsənov


✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi X səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]