Скачать или смотреть "Дөөлөт курулушту" Орунтаев башкарат/ Инвестор келди, баа өзгөрөт/ Чуулуу үйлөр боюнча чечим

"Дөөлөт курулуш" толугу менен мамлекетке өтүп, Курулуш министрлигине караштуу компания болду. Бул туурасында министр Нурдан Орунтаев үлүш ээлери менен жолугушуу учурунда билдирди.
Анын айтымында, курулушту жүргүзүүгө кытайлык компания менен макулдашылды, инвестор катары келип бир айдын ичинде ишке киришет. Бирок баанын өскөнүн эске алуу менен үлүш ээлери үстүнө кошуп төлөшү керек болот. Канча кошуларын бүт чыгымдарды эсептеп бүткөндөн кийин айтарын белгиледи.
Бирок көпчүлүк буга макул болбой жатат. "Бул биздин күнөөбүз эмес, "Дөөлөт курулуштун" башка мүлктөрүн алып, Шопоковдо сатыла элек батирлерди жаңы баа менен сатып, каржыласын" деп суранышты.

Орунтаев "Кудайберген" да, "Шопоков эко сити" да эки жылда толук аягына чыгарын, ал арада курулуп бүткөн блоктору этабы менен берилерин билдирди.

Белгилей кетсек, президенттин иш башкаруучусу Каныбек Туманбаев мурунку жолугушууда келишимдин эч бир шарты, баасы өзгөрбөй турганын айткан эле.