Te Maeva Nui 2023 Oire Tokoroa - Kapa Rima (Action Song)

Lyrics:

Te Atua, Ko koe rai te pu
Te Atua, O te pa enua x2

2: Tokoroa

E ra kua iti, E ra kua opu
Ki runga iakoe
Tokoroa - Nui Maruarua, Tokoroa Nui
Maruarua x2

Te venereka o te au meitaki
Tei ruru’ia e te ui tupuna
Mei taito roa mai
Te vai nei, e ka vai rai

Kua tanumia’ia e te maa katoatoa
I te Vaerua Taokotai
Te Vaerua Oaoa
E te Vaerua o te Akarongo
Ki roto I taku matakeinanga

Ooo ooo Rekareka iora te Atua
Oire Tokoroa
Rekareka iora te Atua
I ta te Ui Tupuna I akaputu
Tokoroa ! Oire Tokoroa. Aue koe Tokoroa


Taku matakeinanga e ! e Tu, e Ara !
Amo ia ! Mono ia e ! Amo ia, Mono !
Ia to tatou au Pa Metua
Ko tatou, te oki no apopo

T: E Manganui ! V: E Manganui ! T: E
Manganui !
Te tau Timata’anga o teia nei ao
Kua takake to tatou au Pa metua

No tatou, teia tuatau
I te Tupu’upu’u’anga ia ratou tei moe
Ko to tatou ia Lamepa Ora ki teia nei ao
I te ruru’anga is tatou
Te iti tangata o Tokoroa
Ki te nga’i okotai
E atua Akarongo mai
Ki to matou pure
Mou pai, Paruru mai ia matou nei
Te tuku nei to matou nei irinaki’anga
Kia roto ia koe


Kia ora e Kia puavai
No te uki ki mua

Amo ia Ume ia I te evangelia ko tatou te
Uki no apopo

No tatou, teia tuatau
I te Tupu’upu’u’anga ia ratou tei moe
Kia riro matou e uki monomono tuatau
I te ruru’anga ia tatou
Te iti tangato o Tokoroa
Ki te nga’i okotai

Tango’ia te Oire Tokoroa
Te atua to tatou akapuanga

Te iti tangata o Tokoroa
Ki te nga’i okotai x2

Toko ia Tokoroa ki te rangi tua toru

Amo ia Ume ia I te evangelia

Drumbeat 4 Count

To mana ! Tuku mai !
Ia !

The Kapa Rima acknowledges their christian faith and how God has shown his constant love upon Oire Tokoroa and is ever - present in our lives, instilled in all of us from our parents, grandparents, and great grandparents. The Kapa Rima poses the challenge to at iti tangata Kuki Airani how are we going to carry the teachings and values of faith passed down to us from generations before us, moving forward. We have seen the goodness that this provided for our community in the past, so where to next in our walk of faith and how are we going to ensure the struggles and hardship were not in vein.