LIVE: Fierljeppen Buitenpost

De Fierljepwedstriid fan de 1e klasse wurdt jûn sprongen yn Bûtenpost en alles is live te folgjen by Omrop Fryslân.

De topljeppers, mei útblinkers Germ Terpstra en pleatslik favoryt Sietse Lefferts, geane op jacht nei nije skânsrekôrs op de hagelnije akkomodaasje yn Bûtenpost.

Tsien jier lyn ljepte Bart Helmholt al 21.17 meter by de senioaren. Ek yn 2014 ljepte junior Age Hulder it doedestiids Nederlânsk rekôr fan 20.41 meter. It jongesrekôr stiet sûnt 4 jier op namme fan Wisse Broekstra: 19.92 meter. Marrit van der Wal, dy't yntusken mei fierljep-pensioen is, hat noch altyd it frouljusrekôr (16.24 m.) yn hannen.

De wedstriid set útein om 19.00 oere en we binne derby oant en mei de finales. It kommentaar komt fan sportferslachjouwer Freark Wijma, mei stipe fan âld-fierljepper Hannes Scherjon as ko-kommentator.

▶️ Abonneer je voor meer video's: https://omrop.fr/UcpZ
🌍 Nieuws, acties en live radio en tv: https://OmropFryslan.nl
👍 Like ons op Facebook:   / omropfryslan  
📸 Volg ons op Instagram:   / omropfryslan  
🐦 Volg ons op Twitter:   / omropfryslan  
📰 Nieuws op Twitter:   / omropnijs  
📰 Nieuws in het Nederlands:   / omropfryslannl  

#OmropFryslân #Friesland #Fryslân