ЙЫРЛАР🔥Агач комуз. Агъач къомуз🔥🔥🔥Вечер памяти А. Салаватова. 17 ноября 2021 г. Кумыкские песни

Йырла агъач хомуз йырла тилеймен
Яшнат, оькюрт очарланы бошагъан
Арт - артындан гете туруп уллулар
Ата юртум етим яшгъа ошагъан

Олар булан бирче гетди шатлыкъда
Татувлукъда бир биревге къатнайгъан
Бир тилимни эки бёлюп ашагъан
Ятлар йимик халкь татувлу яшагъан

Кёрюк сёнген, янмай къумукъ печлерде
Инан хомуз мени саным исинмей
Юху гелмей ятгъан булан гечеде
Къуруп кьалгъан бавлар йимик бу дюнья

Ашыкь оюн интернетге айлангъан
Хораз кампет сникерсге , марслагъа
Бары яшны къолларында телефон
Эсгермеге эсттелик ёкъ яшлагъа

Йырла агьач хомуз йырла тилеймен
Къайтар бизге бизин арюв заманны
Айт къайдадыр ,мен барайым артындан
Сагъынгъанман менчи атам - анамны

Агъач хомуз мен сюемен къайтмагъа
Лампа янгъан, шере берген уьюме
Чатыр тюпде теп - хомузну кююне
Чанг чыгъарып йыгъылгъанча бийиме

Таш чырланы ярып темир кьапуну
Къайтып гелсин татувлукъ халкъ
арагъа
Савлукъ булан болсун узакъ оьмюрлер
Бизин булан яшамагъа къартлагъа

Эсенболатова (АджиеваЧагаротар)
Хасавюрт