Скачать или смотреть အိန္ဒိယ ရဲ့ ရာဂျစ္စတန်ပြည်နယ်က ရောင်စုံမြို့များဆီ ခရီးနှင် [Episode - 4 | အပြာရောင်မြို့ Jodhpur]

အိန္ဒိယ ရဲ့ ရောင်စုံမြို့တွေဆီကို ခရီးထွက်လာခဲ့တာ အခု အပြာရောင်မြို့တော်လို့ တင်စားထားကြတဲ့ Jodhpur (ဂျော့ဒ်ပူရ်) မြို့ကို ရောက်လာခဲ့ပါတယ်။ ရှေ့မှာ ပန်းရောင်၊ အနီရောင် နဲ့ အဝါရောင်မြို့တွေ နေထိုင်ခဲ့ပြီး အပြာရောင်မြို့မှာ လည်ပတ်ရတာလည်း တမျိုးစိတ်လှုပ်ရှားရပါတယ်။ Jodhpur ဂျော့ဒ်ပူရ်မြို့ ဟာ အိန္ဒိယ အနောက်မြောက်ပိုင်း ရာဂျစ္စတန်ပြည်နယ်မှာ Jaipur (ဂျိုင်ပူရ်) မြို့ပြီးရင် ဒုတိယအကြီးဆုံးမြို့ကြီး ဖြစ်ပါတယ်။ Jodhpur ဟာ အထင်ကရ နန်းတော်ကြီး၊ ခံတပ်၊ နဲ့ ဘုရားကျောင်းကန်များစွာ အပြင် ထူးခြားတဲ့ Thar Desert ကန္တာရသဲပြင်ကြီးကို Jaisalmer နဲ့ ပူးတွဲပိုင်ဆိုင်ထားတာကြောင့် ကမ္ဘာ့လှည့်ခရီးသွားတိုင်းက စိတ်ဝင်စားကြတာဖြစ်ပါတယ်။ မြို့ပြတစ်ခုလုံးကို အပြာရောင်ဆေးသုတ်၊ အပြာရောင်အမိုးမိုးပြီး အပြာရောင်မြို့တော်အဖြစ် ဖန်တီးထားတာဟာလည်း ခရီးသွားလုပ်ငန်းကနေ ဝင်ငွေရှာဖို့ အတော်အဆင်ပြေသွားစေပါတယ်။ စည်ကားတဲ့မြို့ကြီးဖြစ်ပြီး ကမ္ဘာ့လှည့်ခရီးသွားတွေ အများစု မြင်တွေ့ရတဲ့ အိန္ဒိယရဲ့မြို့တွေထဲက တစ်မြို့လို့ ဆိုနိုင်ပါတယ်။ ဘာလို့ ကမ္ဘာ့လှည့်ခရီးသွားတွေ အာရုံကျတဲ့မြို့ဖြစ်တာလည်းဆိုတာကိုတော့ ဗီဒီယိုထဲမှာ ခံစားပေးပါဗျ....
.
အားလုံးပဲ အစဉ်ဘေးကင်းကျန်းမာ စိတ်ချမ်းမြေ့ကြပါစေ
သီဟလုလင် | Thiha, the Traveller