Скачать или смотреть ಹೆಸರಿಗೆ ಮಾತ್ರ ಮುರಾರ್ಜಿ ವಸತಿ ಶಾಲೆ. ಆದ್ರೆ ಅಲ್ಲಿ ವಿದ್ಯಾರ್ಥಿಗಳಿಗೆ ಪಾಠ ಕೇಳಲು ಕ್ಲಾಸ್ ರೂಮ್ ಗಳಿಲ್ಲ

ಅದು ಹೆಸರಿಗೆ ಮಾತ್ರ ಮುರಾರ್ಜಿ ವಸತಿ ಶಾಲೆ. ಆದ್ರೆ ಅಲ್ಲಿ ವಿದ್ಯಾರ್ಥಿಗಳಿಗೆ ಪಾಠ ಕೇಳಲು ಕ್ಲಾಸ್ ರೂಮ್ ಗಳಿಲ್ಲ
ಮಲಗಲು ವಸತಿ ಕೋಣೆಗಳಿಲ್ಲ. ಕೆಲ ವಿದ್ಯಾರ್ಥಿಗಳು ಕಾಟ್ ಮೇಲೆ ಮಲಗಿದ್ರೆ ಇನ್ನೂ ಕೆಲವರು ತರಗತಿ ಕೋಣೆಗಳಲ್ಲೇ ನೆಲದ ಮೇಲೆ ಮಲಗಬೇಕು. ಇನ್ನು ಕುಡಿಯಲು ನೀರಿಲ್ಲ, ಓದಲು ಪುಸ್ತಕವಿಲ್ಲ, ಸಮವಸ್ತ್ರ ಶೂಗಳಂತೂ ಇಲ್ವೇ ಇಲ್ಲ. ಯಾವ ಸೌಕರ್ಯವು ಇಲ್ಲದ ಆ ಶಾಲೆ ಎಲ್ಲಿದೆ? ಅಲ್ಲಿನ ವಿದ್ಯಾರ್ಥಿಗಳು ಅನುಭವಿಸ್ತಿರೋ ಸಮಸ್ಯೆಗಳಾದ್ರೂ ಏನು? ಇಲ್ಲಿದೆ ಈ ಕುರಿತ ಕಂಪ್ಲೀಟ್ ರಿಪೋರ್ಟ್

ವಾ.ಓ೧: ಒಂದೇ ಬೆಡ್ ಮೇಲೆ ಮಲಗಿದ ಇಬ್ಬರಿಗಿಂತ ಹೆಚ್ಚು ವಿದ್ಯಾರ್ಥಿಗಳು, ಸ್ಟೋರ್ ರೂಮ್ ಗಿಂತಲೂ ಕಡಿಯಾದ ವಸತಿ ಕೋಣೆಗಳು, ಹರಿದು ಹೋಗಿರುವ ಹಾಸಿಗೆಗಳು, ಹಾಳಾಗಿರುವ ಮೇಲ್ಛಾವಣಿ, ಜೋತು ಬಿದ್ದಿರುವ ಕರೆಂಟ್ ವೈರ್ ಗಳು ಈ ಎಲ್ಲ ದೃಶ್ಯಾವಳಿಗಳು ಕಂಡು ಬಂದದ್ದು ಗದಗ ಜಿಲ್ಲೆ ಲಕ್ಷ್ಮೇಶ್ವರ ತಾಲ್ಲೂಕಿನ ಗೊಜನೂರು ಗ್ರಾಮದಲ್ಲಿರೋ ಮೊರಾರ್ಜಿ ವಸತಿ ಶಾಲೆಯಲ್ಲಿ. ಕಳೆದ ಐದು ವರ್ಷಗಳಿಂದ ಹಳೆಯ ಆಯಿಲ್ ಮಿಲ್ ಒಂದರಲ್ಲಿ ನಡೆಯುತ್ತಿರೋ ಈ ಶಾಲೆಯಲ್ಲಿ ೧೪೬ ಮಕ್ಕಳು ಓದುತ್ತಿದ್ದಾರೆ. ಆರನೇ ವರ್ಗದಿಂದ ಹತ್ತನೇ ವರ್ಗದ ಓದುವ ವಿದ್ಯಾರ್ಥಿಗಳಿಗೆ ಇಲ್ಲಿ ಕೇವಲ ನಾಲ್ಕು ಶಾಲಾ ಕೊಠಡಿ, ಎರಡು ವಸತಿ ಕೊಠಡಿಗಳಿವೆ. ವಿಷಾದ ಹಾಗೂ ವಿಚಿತ್ರ ಅಂದ್ರೆ ರಾತ್ರಿಯಾದ್ರೆ ಸಾಕು ಮೂವತ್ತು ವಿದ್ಯಾರ್ಥಿಗಳು ಮಂಚದ ಮೇಲೆ ಮಲಗಿದ್ರೆ ಉಳಿದವ್ರೆಲ್ಲ ಶಾಲಾ ಕೊಠಡಿಗಳಲ್ಲಿನ ನೆಲದ ಮೇಲೆ ಮಲಗ್ತಾರೆ. ಇನ್ನೂ ವಸತಿ ಕೊಠಡಿಗಳಲ್ಲಿ ಎಲ್ಲೆಂದರಲ್ಲಿ ಕರೆಂಟ್ ವೈರ್ ಗಳು ಬಿದ್ದಿದ್ದೂ ಫ್ಯಾನ್ ಗಳು ಮಾತ್ರವಲ್ಲದೇ ಕಟ್ಟಡಗಳು ಸಹ ಮೈಮೇಲೆ ಬೀಳುವ ಸ್ಥಿತಿಯಲ್ಲಿವೆ. ಇದಲ್ಲದೇ ಕುಡಿಯುವ ನೀರು ಸೇರಿದಂತೆ ಹತ್ತು ಹಲವು ಸಮಸ್ಯೆಗಳನ್ನ ಹೊತ್ತ ಈ ಶಾಲೆಯ ಬಗ್ಗೆ ಮಕ್ಕಳು ದುಃಖ ಹಂಚಿಕೊಂಡದ್ದು ಹೀಗೆ

ಬೈಟ್೧-ಶಾಂಭವಿ,ವಿದ್ಯಾರ್ಥಿನಿ
ಬೈಟ್೨-ಪ್ರಶಾಂತ್,ವಿದ್ಯಾರ್ಥಿ

ವಾ.ಓ: ಇನ್ನು ಈ ಬಗ್ಗೆ ಹಧಿಕಾರಿಗಳನ್ನ ನಾವಾಗಲೇ ಸಂಪರ್ಕಿಸಿದಾಗ ಹೊಸ ಕಟ್ಟಡದ ಕಾಮಗಾರಿ ನಡೆಯುತ್ತಿದ್ದೂ ಶೀಘ್ರವೇ ಈ ಶಾಲೆಯನ್ನ ಸ್ಥಳಾಂತರಿಸಲಾಗತ್ತೆ ಅಂತಾರೆ. ಇನ್ನು ಅಧಿಕಾರಿಗಳ ಭಯದಲ್ಲೇ ಪಾಠ ಮಾಡುವ ಮೇಷ್ಟ್ರುಗಳು ನಾವು ಪ್ರತಿಕ್ರೀಯೆ ಕೇಳಲು ಮುಂದಾದಾಗ ಸಧ್ಯದಲ್ಲೇ ಹೊಸ ಕಟ್ಟಡವನ್ನ ನಮಗೆ ಒಪ್ಪಿಸ್ತಾರೆ ಅಂತಾ ಅಧಿಕಾರಿಗಳ ಪರವಾಗಿಯೇ ಹೇಳಿಕೆ ನೀಡ್ತಾರೆ

ಬೈಟ್ ೩: ನಾಗರಾಜ ಕಳಸಾಪೂರ , ಶಾಲಾ ಮುಖ್ಯೋಪಾಧ್ಯಾಪಕ

ವಾ.ಓ ೩: ಒಟ್ನಲ್ಲಿ ಇಂದಿನ ವಿದ್ಯಾರ್ಥಿಗಳೇ ನಾಳಿನ ವಿಜ್ಞಾನಿಗಳು ಅನ್ನೋ ನಾಣ್ನುಡಿಗೆ ವಿರುದ್ಧವಾಗಿರೋ ಈ ಶಾಲೆ ವಿದ್ಯೆ ಕಲಿಯುವ ಹಂತದಲ್ಲೇ ಸಮಸ್ಯೆಗಳ ಸವಾಲ್ ನ್ನ ವಿದ್ಯಾರ್ಥಿಗಳು ಒಪ್ಪಿಕೊಳ್ಳಬೇಕಿದೆ. ಜ್ಞಾನಾರ್ಜನೆಗೆ ಕಾರಣವಾಗಬೇಕಾದ ಮುರಾರ್ಜಿ ಶಾಲೆ ಮುರುಕಲು ಗೂಡಾಗಿದ್ದು ಇನ್ನಾದ್ರೂ ಈ ಬಗ್ಗೆ ಅಧಿಕಾರಿಗಳು ಮುತುವರ್ಜಿ ವಹಿಸ್ತಾರಾ? ಶೀಘ್ರವೇ ಹೊಸ ಕಟ್ಟಡಕ್ಕೆ ಶಾಲೆಯನ್ನ ಸ್ಥಳಾಂತರಿಸ್ತಾರಾ? ಅನ್ನೋದನ್ನ ಕಾಯ್ದುನೋಡಬೇಕಿದೆ

..