Mirwair Azizi Building: The real value of real estate د عزیزي ودانۍ: د ودانیو صنعت افغانستان کې

د عزیزي برج په دوبی کې یوه لویه پانګونه ده چې د نړۍ په دویمه ستره ودانۍ کې شمېرل کېږي. دا د میرویس عزیزي لخوا جوړېږي او په نړیواله کچه د افغانانو لپاره د ویاړ ستره نښه بلل کېږي. په دې لیکنه کې به د عزیزي د دې سترې پانګونې ګټې او هغه پوښتنې په ګوته کړو چې افغانان یې په اړه لري.

ولې په دوبی کې پانګونه کول یو ستر فرصت دی؟
۱: نړیوال ویاړ:
دا یو افغان پانګه‌وال دی چې د نړۍ په کچه دومره لویه پروژه پلي کوي. افغانان باید په دې ویاړ وکړي، ځکه دا یې د نړیوالو په وړاندې د پرمختګ، ژمنتیا، او پانګونې نښه ده.

۲: اقتصادي فرصتونه:
دوبی په نړۍ کې د تجارت او پانګونې یو ستر مرکز دی. د ودانیو او ملکیتونو قیمتونه هر کال څو برابره کیږي. دا چې دوبی هر کال سیلانیانو، سوداګرو او نړیوالو شرکتونو ته کوربه دی، د ودانیو قیمتونه په دوامداره توګه لوړيږي. د عزیزي برج پانګونه په اوږده موده کې د زیاتې ګټې تضمین کوي.

۳: مالي پرمختګ:
دوبی کې پانګونې کول د پانګه‌والو لپاره چټک مالي پرمختګ لري. په داسې ځای کې پانګونه کول چې په نړیواله کچه تجارتي ارزښت لري، یو پانګه‌وال ته د پانګې زیاتوالی چټک تضمینوي، او دغه راز سرمایه په ۵۰ برابره کېدل یې ممکنه ده.

۴: نړیوال تجارت:
دوبی یو نړیوال مرکز دی چې د نړیوالو شرکتونو، سوداګرو، او سرمایه‌کارانو کوربه دی. دلته ودانۍ درلودل یواځې د ودانۍ لرلو معنا نه لري، بلکې دا د نړیوالو کاروبارونو او پروژو په لور یو مهم ګام دی.

۵: ټیکنالوژیکي پرمختګ:
دوبی په ټیکنالوژیکي او ساختماني لحاظ یو له پرمختللو ښارونو څخه دی. د عزیزي برج په جوړولو کې همدا پرمختللې ټیکنالوژۍ کارول شوي، او دا برج د نړۍ په کچه د ودانیزو معیارونو سره برابر دی.

ولې ځینې افغانان د دې پانګونې د افغانستان لپاره غوښتنه کوي؟
۱: په افغانستان کې قانوني ننګونې:
افغانستان اوس مهال د یوې ناپایه اقتصادي او امنیتي ستونزو سره مخ دی. که دا ډول پروژه په افغانستان کې ترسره شوې وای، د یوې قانوني ستنې یا اصولو نشتوالی به د دې پروژې لپاره ستونزې رامنځته کړې وای.

۲: د پیسو ناسمه استعمال:
په افغانستان کې داسې شرایط شته چې هر ملا او حکومتي چارواکی د مسجد یا بلې دیني پروژې په نامه پانګه‌والو څخه پیسې شکولی شي. دا د پانګونې لپاره یو جدي خنډ دی او د پانګه‌والو لپاره دا خطر رامنځته کوي چې د دوی پانګه به ضایع شي.

۳: د مدیریت ستونزې:
په افغانستان کې لا تر اوسه دومره اقتصادي پوهان یا مدیریت سیسټم نشته چې دومره سترې پروژې اداره کړي. د هېواد اقتصادي وضعیت او د پانګې محدود مدیریت دا ګواښ زیاتوي چې ممکن په داخلي سطحه دا پروژه بریالۍ نه شي.

۴: نړیوال شرایط او امنیت:
دوبی یو له نړۍ له امنو ځایونو څخه دی او د پانګوالو لپاره یو خوندي چاپېریال وړاندې کوي. په افغانستان کې د امنیت نشتوالی هم یوه ستره ستونزه ده چې په پایله کې به دا ډول پروژه د پرمختګ پر ځای شاته پاتې شي.

۵: نړیوال بازار ته لاسرسی:
په افغانستان کې، حتی که دې ډول پروژه بریالۍ هم شي، د نړیوالو بازارونو او پانګوالو سره یې اړیکې کمزورې دي. دوبی برعکس، یو نړیوال بازار لري چې د پانګې په چټکۍ سره وده کې مرسته کوي.

د عزیزي برج په اړه دا بحث څرګندوي چې په دوبی کې پانګونه یو سم ګام دی، که څه هم ځینې افغانان غواړي دا ډول پروژې په افغانستان کې ترسره شي، خو د افغان اقتصاد، امنیت، او مدیریت موجوده شرایطو ته په کتو، په دوبی کې پانګونه د زیاتې ګټې، ویاړ او پرمختګ تضمینوي.