Скачать или смотреть ઝવેરચંદ મેઘાણી - આઝાદી પહેલાં લખાયેલી 'આઝાદી'ની એ કવિતા

રાષ્ટ્રીય શાયર ઝવેરચંદ મેઘાણીનો જન્મ 28 ઑગસ્ટ, 1896માં સુરેન્દ્રનગર જિલ્લાના ચોટિલામાં થયો હતો. મેઘાણીએ ‘આ તારા નામમાં ઓ, સ્વતંત્રતા’ કાવ્ય 1930માં આઝાદીની લડત વખતે દેશના લડવૈયાઓને પોરસ ચડે એ માટે લખ્યું હતું. મેઘાણીના પિતાની નોકરી સતત બદલાતી હોવાથી તેઓ દાઠા, પાળિયાદ, ઝીંઝુવાડા, વઢવાણ કૅમ્પ, લાખાપાદર, બગસરા સહિતનાં જુદાંજુદાં સ્થળે ફરતાં રહ્યા. મેઘાણીએ આ રીતે સમગ્ર ગુજરાતમાં ભ્રમણ કરીને લોકવાર્તાઓ, કવિતા, ગીતો મેળવીને ગુજરાતી ભાષાને રળિયાત કરી. તેમણે નવલકથા, વાર્તા, ગીતો, સંપાદન, સંશોધન, પત્રકારત્વ સહિત અનેક ક્ષેત્રમાં ખેડાણ કર્યું હતું. તો આઝાદીના સમયે પણ મેઘાણીએ અનેક શૌર્યગીતો લખ્યાં હતાં. જ્યારે ગાંધીજી ગોળમેજી પરિષદમાં જઈ રહ્યા હતા ત્યારે તેઓએ ગાંધીને સંબોધીને ‘છેલ્લો કટોરો’ કાવ્ય લખ્યું હતું. બોટાદમાં 9 માર્ચ, 1947માં હૃદયરોગના હુમલાથી ઝવેરચંદ મેઘાણીનું નિધન થયું હતું.